پوسکن آ ایئر پورٹ آن گوادر جہانی کہول آ ایوی ایشن نا صنعت نا اہم ءُ ہند اس مریک
اسلام آباد۔ 27مارچ(اے پی پی) سی پیک پروجیکٹ ڈائریکٹر حسن داؤد بٹ پارینے کہ چین پاکستان اقتصادی راہداری ڈٹ انا رداٹ گوادر اٹی پوسکن آ ایئر پورٹ نا بنداو ءِ ہندا ہفتہ ٹی تخنگک ، ایئر پورٹ 230 ملین ڈالرنا خڑچ آن تفنگک و اِرٹ آن مسہ سال اٹی دانا پوروی آن گوادر جہانی کہول آ ایوی ایشن نا صنعت نا اسہ اہم ءُ ہند اس مریک۔ داخیال آتا درشانی ءِ او ’’اے پی پی‘‘ تون خصوصی گپ و تران کرسا کرے۔ اوپارے کہ سی پیک نا رداٹ گوادر اٹی پوسکن آ جہانی ایئر پورٹ نا تعمیر نا بابت ڈٹ انا ڈیزین و فزیبلٹی نا بنداوی کاریم مہالو پورو کننگانے۔ اوپارے کہ پوسکن آ جہانی ایئر پورٹ نا جوڑ کننگ آن سی پیک نا فریم ورک اٹی اسہ اہم ءُ ہند اس دوئی مریک وخت اس کہ داڑان جہانی کہول آ ایوی ایشن نا صنعت نا اسہ اہم ءُ ہند اس ہم مریک۔ اوپارے کہ سی پیک نا رداٹ شاہراہ تا ڈٹ آتیا است جم وڑاٹ کاریم برجاءِ، ٹرانسپورٹ انفراسٹرکچر ڈٹ آتا پوروی آن نئے بیرہ پاکستان بلکن مچ آ ڈیہہ ٹی شونداری نا پوسکن ءُ کسر ملنگک، سی پیک نا رداٹ ریلوے اپ گریڈیشن نا ڈٹ ملک اٹی پوسکن آ سفری آسراتی تے مون آ دیک۔ اوپارے کہ سی پیک نا رداٹ اینخو سال بجلی و انفراسٹرکچر نا چندی ڈٹ آتون اوار اوار غٹ آن اہم گوادر جہانی ہوائی اڈہ غا جوڑ جاڑی کاریم نابنامریک۔ ڈٹ اِرٹ آن مسہ سال اٹی دوست ملک چین نا کمک اٹ پورو کننگک، گوادر اٹی انٹرنیشنل ایئر پورٹ ، ایسٹ بے ایکسپریس وے و آبنوشی ناڈٹ آ کاریم فاسٹ ٹریک کننگک، گوادر ماسٹر پلان ڈٹ انا پوروی آن دا شار دنیا نا پوسکن آ شارنا وڑاٹ مون آ بریک، گوادر ہسپتال ڈٹ انا پورووی آن دا شار انا الس ءِ جان جوڑی نا پوسکن ءُ آسراتی دوبریک۔
