اسلام آباد۔ 27 مارچ(اے پی پی) پارلیمنٹ نا پبلک اکاؤنٹس کمیٹی نا ذیلی کمیٹی نا دیوان کنوینر کمیٹی سید نوید قمر نا کماشی ٹی اڈ ہلک ، دیوان اٹی آڈٹ کمامدارآک انکشاف کریر کہ پاکستان پٹرولیم لمیٹڈ اٹی اشیا ء نا پروکیورمنٹ اٹی بے وڑی مس، ہرانا مالیت 1ارب 26کروڑ روپئی آن زیات ئس۔ پی پی ایل 14جتا کیس آتے ٹی بیدس مشتہر کروک مٹیریل ہلک۔ داٹی پیپرا کانود نا خلاف ورزی ءِ کننگا۔ کمیٹی سوج کرے کہ دن انگا ہرا مٹیریل ئس ، پاننگے۔ وزارت پٹرولیم و پاکستان پٹرولیم لمیٹڈ ورندی ءِ تننگ کتوس ہراڑا باسک کمیٹی حنا ربانی کھر ترندی نا درشانی ءِ کرے و پارے کہ دا آڈٹ اعتراض آ بروک آدیوان اٹی تیاری کرسا بریر۔ آڈٹ کمامدارآک انکشاف کریر کہ حبیب اللہ کوسٹل پاور کمپنی آن سوئی سدرن گیس کمپنی 4ارب 25کروڑ آن زیات نا زر وصول کتنے۔ داڑاوزارت نا کنڈآن جاست وپاستی رپورٹ اس ہم جمع کرفنگ تنے۔ وزارت ورندی تس کہ ایچ سی پی سی دا معاملہ ءِ ہلسا جہانی ثالثی عدالت اٹ درے۔ کمیٹی آڈٹ اعتراض آ وزارت و سوئی سدرن آن رپورٹ طلب کرسا پارت کرے کہ انتظامی معاملہ غاتے درست کننگے۔ آڈٹ کمامدارآک انکشاف کریر کہ این آئی سی ایل آن پاکستان پٹرولیم لمیٹڈ انشورنس کلیمز نا مد اٹی 80 کروڑ روپئی آن زیات نا زر وصول کتنے۔ سیکرٹری پٹرولیم اسد حیا ء الدین پارے کہ این آئی سی ایل نا کارکڑدسہی اف۔ ای تینٹ اونا بورڈ آف ڈائریکٹرز اٹی مسونٹ۔ کمیٹی دا آڈٹ اعتراض ءِ ریکوری تون مشروط کرسا پدبٹے۔ کمیٹی ٹی انکشاف مس کہ جیولوجیکل سروے آف پاکستان بیدس ڈی جی نا وزارت پٹرولیم نا ایڈیشنل سیکرٹری نا ماتحت چلینگ انگ ءِ ہراڑا کمیٹی پارے کہ اسلام آباد آن ہمہ کوئٹہ نا ادارہ ءِ چلیفنگ مریک ہراڑا سیکرٹری پٹرولیم پارے کہ کابینہ ڈویژن ءِ پوسکن آ ڈی جی نا تعیناتی نا سمری اس گدریفینے۔
