اسلام آباد ۔ 26 مارچ (اے پی پی) بیگواھیں مردمانی کمیشن ءِ سروک جسٹس (ر) جاوید اقبالءِ سروکی ءَ سئے شمبے ءَ ایشی ءِ چیمبر ءَ دیوان برجم بوتگ۔دیوان ءِ ایجنڈہ ءِ تہ کمیشن ءِ نیمگا چہ صوبائی ٹاسک فورس ءَ را دیم داتگ ات۔کیساں را ترندی ءَ گوں سرجم کنگ ءِ ھاتراصوبائی تہی سیکرٹریز ءُُ چیف کمشنر اسلام آباد ءَ را ہمگرنچیں ٹاسک فورس ءَ را راستیں وڈ ءَ ایکٹو کنگ ءِ سرا وڈ ءُُ پیم کنگ ھوار ات۔دیوان ءِ تہ ایڈیشنل سیکرٹری داخلہ پنجاب فضیل اصغر،سپیشل سیکرٹری محکمہ داخلہ خیبر پختونخوا راشد خان، چیف کمشنر اسلام آباد عامر علی احمد،ایڈیشنل سیکرٹری سندھ بابر قدیر ءَ بھر زوراتگ۔بیگواہ ءِ مردمانی کمیشن ءِ سروک جسٹس (ر) جاوید اقبال ءَ دیوان ءِ شریدارءَ را بیگواہیں مردمانی معاملہا ءِ ارزشت چہ سرپد کتگ ءُُ گوشت کہ وھد ءِ گوزگ ءَ گوں ھوار اے معاملہ میاں اوستمانی دلگوشی ءِ مرکز انت اے ھاترا معاملہ ءِ سرا گیش دلگوشی دیئگ ءِ ضلورت انت۔دیوان ءِ تہ دراھیں شریداراں صوبائی ٹاسک فورس ءِ نیمگا چہ جم کتگیں رپورٹس ءِ ھوالہ چہ یک پروفارمہ دیگ بوتگ ایشی ءِ سرا دراھیں شریداراں اے کیس ءِ تہ جندی دلگوشی دیگ ءِ وعدہ کتگ۔
