راولپنڈی ۔ 26 مارچ (اے پی پی) چیف آف آرمی سٹاف جنرل قمر جاوید باجوہ ءَ سئے شمبے ءَ نیشنل ڈیفنس یونیورسٹی اسلام آباد ءِ تروتاب کتگ ءُُ چارمی پاک۔برطانیہ استحکام کانفرنس ءِ شریداراں گوں تران کتگ۔ آئی ایس پی آر ءِ نیمگا چہ جاڑی بیان ءِ ردا شریداراں گوں ھیال ریچی کنان ءَ آرمی چیفءَ ملکی تہی ءُُ دری سلامتی ءِ جاورھال ءُُ پاکستان ءِ تہ ءُُ خطہ ءِ پائیدار امن ءِ وتی وژن ءِ سرا دلگوشی ایر کتگ۔ جنرل قمر جاوید باجوہ ءَ جیو پولیٹیکل ماحول ءِ امکانات، سکیورٹی چیلنجز ءُُ خطہ ءِ اقتصادی دیمروئی ءِ ھوالہ چہ پاک۔چین اقتصادی راہداری سرا روژنی ھم مان کتگ۔آہاں اے گپے درشانی کتگ کہ یک مھکمیں ءُُ پُرامنیں پاکستان ءِ حصول ءِ ھاترا پرجزم انت۔ایشی ءِ رندا کمانڈر یوءِ فیلڈ آرمی لیفٹیننٹ جنرل پیٹرک سینڈرز ءَ نیشنل ڈیفنس یونیورسٹی ءِ تہ چیف آف آرمی سٹاف ءِ گوما گند ءُُ نندکتگ۔گند ءُُ نندءِ تہ دمگی سلامتی ءِ معاملہاءُُ کسبی دلچسپی ءِ معاملہانی سرا ھیال ریچی بوتگ۔ایشی ءِ رندا نیشنل ڈیفنس یونیورسٹی ءِ صدر لیفٹیننٹ جنرل عامر ریاض ءَ آرمی چیف ءَ را وش اتک کتگ۔
