حکومت صنعت و واپار ءِ مون آدننگ کن چندی معاشی اصلاحات آتے کرینے، وزیراعظم نا سلاہکار صنعت و پیداوار عبدالرزاق داؤد نا آئی ایم ایف مشن چیف تون گپ و تران

اسلام آباد۔ 26مارچ(اے پی پی) وزیراعظم نا سلاہکار واپار، ٹیکسٹائل ، صنعت وپیداوار عبدالرزاق داؤد پارینے کہ ساڑی حکومت ملک اٹی صنعت و واپار ءِ مون آ دننگ کن چندی معاشی اصلاحات کرینے ہراڑان معیشت اٹی گچینی بریک۔ داخیال آتا درشانی ءِ او سے شنبے نادے آ آئی ایم ایف مشن چیف رمریز ریگو تون اوڑدہی ٹی کرے۔ سلاہکار واپار پارے کہ ملکی تاریخ نا اولیکو قومی ٹیرف پالیسی ءِ زوت درستی راستی کرفینہ ، دا پالیسی آن ملکی معیشت اٹی پین گچینی بریک۔ اوپارے کہ ساڑی حکومت ملک اٹی صنعت و واپار ءِ مون آ دننگ کن چندی معاشی اصلاحات آتے کرینے۔ داوخت آ آئی ایم ایف مشن چیف رمیریز ریگو پارے کہ پاکستان نا معاشی اصلاحات گچین ءُ پروگرام و گام گیج اسے۔ رمیریز ریگو اومیت کرے کہ اصلاحات آتا چرجوئی برجاسلک و داڑان پاکستانی معیشت اٹی گچینی بریک۔