اسلام آباد۔ 26مارچ(اے پی پی) یورپی پارلیمنٹ نا باسک واجد خان و پاکستان یورپین یونین فرینڈ شپ پڑک نا چیئرمین پرویز لوسر سے شنبے نادے آ وزارت خارجہ ٹی سیکرٹری خارجہ گودی تہمینہ جنجوعہ تون اوڑدہی کریر۔ اوڑدہی ٹی یورپین پارلیمنٹ اٹی اڈ ہلوک آ کشمیر کانفرنس نا بابت گپ و تران مس۔ ہڑتوم آ راہشونک یورپین یونین اٹی کشمیر اٹی انسانی حق آتا سنگین ورزی تا بابت کروک آ سماعت نا سرجم آتیان سیکرٹری خارجہ ءِ معلومدار کریر۔ داوخت آ سیکرٹری خارجہ تہمینہ جنجوعہ کشمیر نا ویل ءِ یورپین پارلیمنٹ اٹی تالان کننگ آ پاکستانی کمیونٹی آن تعلق تخوک آ یورپین پارلیمنٹرین ءِ مبارکبادی تس ۔ سیکرٹری خارجہ ہڑتوم آ راہشون تا بننگ آ اوفتا منت واری ءِ ہرفے۔
