اسلام آباد۔ 25 مارچ (اے پی پی) مزن وزیر عمران خان ءَ گوں یورپی یودنین ءِ ٹوھیں کارندہ برائے درئی کار ءُُ سیکورٹی پالیسی فریڈ ریکامارگرینی ءَ گند ءُُ نند کت۔ دو شمبے ءَ بوھوکیں اے گند ءُُ نند ءَ مزن وزیر ءَ گوشت کہ پاکستان یورپی یونین ءُُ ایشی ءِ توامیں باسکیں ملک آنی گوما وتی یکوئی آناں ٹوھیں ارزشت ءِ دنت۔ آئی ءَ اے گند ءُُ نند آنی سر ءَ دل یکیمی ءِ درشان کت ءُُ گوشت کہ یورپی یونین پاکستان ءِ ٹوھیں تجارتی ءُُ سرمایہ کاری ءِ شریکدار ات۔ مزن وزیر ءَ جی ایس پی پلس اسکیم ءَ چہ پد پاکستان ءُُ یورپی یونین ءِ دو نیمگی تجارت ءِ گیشی ءَ را وش اتک کت۔ آئی ءَ یورپی یونین ءِ ٹوھیں نماھندگ آناں استیں دمگی جاور ھال آں ھوار اوگانستان ءَ وت مہ وتی تپاکی ءُُ بھارت ءِ گوما کشاں چیل آنی تہءَ کمی آرگ ءَ پاکستان ءِ جوانیں کرد ءِ بابت ءَ سرپد کت۔ مزن وزیر عمران خان ءَ گڈ گورننس، کرپشن ءِ ھلاسی، کانود ءِ سروکی ءُُ گریبی ءِ ھلاسی ءِ ھوالگ ءَ وتی ساپ ءُُ سینگاری ایجنڈا آنی سر ءَ چار ءُُ بچار ھم پیش کت۔ اے موہ ءِ سر ءَ یورپی یونین ءِ ٹوھیں نماھندگ آں پلوامہ واکیہ ءَ چہ پد بوھوکیں جاور ھال آنی تہ ءَ مزن وزیر عمران خان ءِ کرد ءَ را ساڑات ءُُ ایشانی الکاپ کنگ ءِ ایجنڈا ءَ یورپی یونین ءِ نیمگ ءَ کمک کنگ ءِ دل یکیمی دات ءُُ گوشت کہ اے یورپی یونین ءِ بنیاتی رھبند آنی گوما ھمگونگی کنت اِنت۔
