اسلام آباد ۔ 25 مارچ (اے پی پی) مزن وزیر عمران خان ءَ حزب احتلاف ءِ نیمگا چہ بنجاہی بن شہر ءِ نیمگا ملین مارچ ءِ کال ءَ را رد کنان ءَ اے اعتماد ءِ درشان کتگ کہ پاکستان ءِ مہلوک لہتیں کرپٹ ھاندان ءَ را رکھگ ءِ ھاترا دگانی سرا درکپ انت،دوشمبے ءَ مزن وزیر کارگس ءِ تہ میڈیا ءِ نماھندگاں گوں گپ ءُُ تران کنان ءَ آہاں گوشت کہ کجام سیاسی ھاندان ءَ را رکھگ ءِ ھاترا کدی ھم اُلسی جنز ھلائینگ مہ بوتگ ات‘ اپوزیشن ءِ نیمگا چہ ملین مارچ ءِ جست ءِ پسو دیان ءَ آہاں گوشت کہ مہ چار ءُُ نیم ماہ زارشانی کتگ ات بلے اے جیڈھانی ھلاپ ءَ زارشانی ات وھدیکہ دومی نیمگا اپوزیشن وتی منی لانڈرنگ ءِ کیسانی سرا پردہ چیر دیگ لوٹگ انت۔مزن وزیر عمران خان ءَ اپوزیشن ءَ را پارلیمنٹ ءِ دیما دراجیں زارشانی ھاترا وتی کنٹینر ءِ پیش کش کنان ءَ پاکستان تحریک انصاف ءَ گچینکاری گوچلی ءِ ھلاف ءَ جنز بندات کتگ ات ءُُ رندا پانامہ پیپرز ءِ سر زارشانی کتگ ۔آہاں وتی بنی گالا پراپرٹی ءِ دراجیں کیس ءِ ھوالہ دیان ءَ گوشت کہ آہاں سپریم کورٹ ءِ نیمگا چہ لوٹ کتگیں کاگد داتگ ات وھدیکہ دومی نیمگا پیسریگیں مزن وزیر ءَ کسانین ثبوت ھم نہ داتگ ات۔ایشی چہ اے پدر بوھگ انت کہ ایون فیلڈ اپارٹمنٹس ءَ چہ ہچ سیادی نیست انت۔راجی ھسابداد بیورو ءِ نیمگا چہ جاڑی کیسانی باروا جست ءِ پسو ءَ عمران خان ءَ گوشت کہ استیں حکومت پاکستان پیپلز پارٹی ءِ راھشونانی ھلاپ ءَ منی لانڈرنگ ءِ کیساں گوں ہچ سیادی نیست انت،اے کیس پاکستان مسلم لیگ (ن) ءَ 2016ءِ تہ بنا کتگ ات۔
