اسلام آباد ۔ 25 مارچ (اے پی پی) صدر مملکت ڈاکٹر عارف علوی ءَ گوشت کہ استیں حکومت چائلڈ لیبر ءِ ھلاسی ءُُ زھگانی حقوق ءِ رکھگ ءِ ھاترا ہمک ممکن گام چست کن ایت۔اے گپ راست نیست ات کہ چائلڈ لیبر پاکستانی ربیدگی ءِ بھر انت ،مہلوک ءَ گوں شریں وڈ ءَ پیش بوان ءَ آہانی تعلیم ءِ سرا دلگوشی دیگ بیت پرچا کہ نوکیں باندات ءَ را تعلیم دیگ ابید نوکیں پاکستان جوڈ مہ بیت۔اے ھوالہ چہ سرپدی پیدا کنگ ءِ ھاترا میڈیا سرجمیں کرد ادا کن ایت۔آں وشمبے ءَ پاکستان ءِ تہ چائلڈ لیبر سروے ءِ راجی اجراء ءِ مراگش ءَ گوں تران کنگ ات۔اے موہ ءَ انسانی حقانی بنجاہی وزیر شیریں مزاری، بنجاہی سیکرٹریزبرائے انسانی حقوق ءُُ شماریات ڈویژن ءِ ابید یونیسف، انٹرنیشنل لیبر آرگنائزیشن ءُُ یو کے ایڈ ءِ ھوار لہتیں شراکت دارادارگہانی نماھندگ ھم ساڑی اتنت۔ صدر مملکت ءَ ملک ءِ تہ چائلڈ لیبر ءِ باروا سروے ءِ برجمداری ءِ سرا دراھیں کمکارادارگہانی منت گپتگ ات ءُُ گوشت کہ اے سروے 23سال ءِ پدا بوھگ انت۔ چائلڈ لیبر ءِ باروا اے سروے باز ھاس انت ۔آہاں گوشت کہ پاکستان ءِ آئین زھگانی حقانی رکھگ انت۔استیں حکومت وتی ذمہ واری چہ سرپد انت ءُُ آں زھگانی حقوق ءُُ رکھگ ءُُ ملک چہ چائلڈ لیبر ءِ ھلاسی ءِ ھاترا دراھیں گامگیج ءَ چست کن ایت۔ صدر مملکت ءَ گوشت کہ چائلڈ لیبر ءِ باروا سروے ءِ برجم داری ءِ ھاترا بنجاہی حکومت ،صوبائی حکومت ءُُ شراکت دارادارگہاں را مراد بات پیش کناں۔زھگانی حقوق ءِ رکھگ ءُُ آہاں را استحصال چہ رکھگ ءِ ھاترا میڈیا ءِ کرد باز ھاس انت۔بنجاہی وزیر ڈاکٹر شیریں مزاری ءَ گوشت کہ پاکستان تحریک انصاف ءِ منشور ھم زھگانی حقانی رکھگ ءَ را سدکی دارگ ءِ سرا زور مان کنگ انت۔آہاں وزارت انسانی حقوق ءِ نیمگا چہ زھگانی حقانی رکھگ ءِ ھاترا کتگیں گاماگیج ءَ را اجاگر کتگ ءُُ گوشت کہ اے ھوالہ چہ کانود ساڑی انت بلے اے باروا مردمانی تہ سرپدی ودی کنگ ءِ ضلورت انت۔اے درگت ءَ صدر مملکت ءَ پاکستان ءِ تہ چائلڈ لیبر ءِ سروے ءِ تچکی ءَ بنداتی کتگ۔
