اسلام آباد ۔ 25 مارچ (اے پی پی)آسٹریلوی ہائی کمشنر مارگریٹ ایڈمسن ءَ گوشت کہ پاکستان ءِ استیں حکومت بیئپارءِ تہ آسراتی پیدا کنگ ءِ ھاترا گامگیج کنگ انت ءُُ اے رنگیں گامگیج میاں اوستمانی زرکارانی ھاترا ھم کلوھ انت کہ استیں حکومت ءِ بیئپار دوستیں گاماں گوں ادا زرکاری ءِ موہ ساڑی انت۔اے ھیالانی درشان آہاں ’’اے پی پی‘‘ ءِ گوما گاسیں گپ ءُُ تران کنان ءَ کتگ ات۔ آسٹریلوی ہائی کمشنر ءَ گوشت کہ استیں جاورءِ تہ حکومت ءَ ملکی بیئپاری براتری ءِ ھوار میاں اوستمانی بزنس کمیونٹی ءِ ھوالہ چہ ھم اے رنگیں گامگیج کتگ ات ایشی چہ اے گلوھ روگ انت کہ پاکستان خطہ ءِ ھاسیں ملک ءِ بستار ءَ دیما روگ انت، پاکستان ورلڈ اکانومی ءِ ھوالہ چہ ارزشت ءِ حامل انت،استیں حکومت ءِ ہڈ ءِ پد امیاں اوستمانی بزنس کمیونٹی ھم سرپد انت کہ استیں حکومت ءِ زرکاری ءِ ھوالہ ءَ چست کتگیں گاماں ایشی ءَ را بیئپار دوست ملک جوڈ کتگ انت۔آہاں گوشت کہ پاکستان ءِ تہ ورناہانی مزنیں کچ ءَ ساڑی اتنت۔
