اسلام آباد ۔ 25 مارچ (اے پی پی) صدر مملکت ڈاکٹر عارف علوی ءَ گوشت کہ درملکی زرکارانی آسراتی ءِ ھاترا حکومتی گامانی آسرءَ بیئپاری ماحول ءِ تہ گہتری اتکگ انت، یورپی یونین دیما بیاانت ءُُ پاکستان ءِ تہ زرکاری ءَ کن انت۔ حکومت سرمایہ کاران چکاریں کمک پھجارایت۔اے ھیالانی درشان آہاں یورپی یونین ءِ دری کارانی ءُُ سیکورٹی ءِ نماھندگ فیڈریکا مغیرینی ءِ گوما گپ ءُُ تران کنان ءَ کتگ ات آہاں دوشمبے ءَ ادا گند ءُُ نند کتگ۔ صدر ءَ انسانی حقوق ءِ یورپی عدالت ءِ انوگیں پیسلہ ءِ ھیرمقدم کتگ ایشی ءِ تہ فریڈم آف ایکسپریشن ءِ حق ءُُ کارمرزی ءُُ مذہبی ھیالانی ھوالہ منافرت ءِ میان ءَ بروبری پیدا کنگ ءَ کمک رسیت۔آہاں گوشت کہ پاکستان فریڈم آف ایکسپریشن ءِ زمہ واریءَ گوں کارمرزی ءِ سرا سدکی دارگ انت۔ صدر ءَ اے گپے سرا زور دات کہ پاکستان ہمک رنگیں بیمکاری ءِ ایرجنئگ انت ۔ آہاں اے امر ءَ رااجاگر کتگ کہ پاکستان ءَ ناشرکاری ءِ ھلاپ ءَ جنگ ءِ تہ سوبمندی گپتگ انت۔آہاں گوشت کہ ناشرکاری ءَ چہ لاحق حطرہ ءَ را یوکا عملی گاماں چہ ھلاس کنگ بیت بلکہ اے لعنت چہ نبرد آزما بوھگ ءِ ھاترا اجتماعی ردعمل درکار انت۔صدر ءَ گوشت کہ پاکستان یورپی یونین ءَ گوں وتی سیادی ءَ را باز ارزشت دیگ انت ہمہ کہ پاکستان ءِ روایتی اتحادی ءُُ مزنیں بیئپاری شرکت دار انت۔آہاں اے گپے سرا تسلہ ءِ درشان کتگ کہ پاک ۔ای یو سیادی کمک ءِ دراھیں تک ءَ راستیں نیمگا روگ انت۔
