کوئٹہ۔ 25مارچ (اے پی پی) بنجائی وزیر ڈٹ بندی، شونداری مخدوم خسرو بختیار پارینے کہ گوادر اٹی شونداری نا رفتار ءِ ترند کننگ بنجائی حکومت نا اولیت ءِ ، گوادر ایئر پورٹ ، جی ڈی اے ہسپتال ، ووکیشنل انسٹی ٹیوٹ و ایلو ڈٹ آتا زوت بنامننگ ءِ۔ گوادر ءِ نیشنل گریڈ تون گنڈنگ کن ٹرانسمیشن لین نا ڈٹ بناکننگ ءِ۔ داخیال آتا درشانی ءِ او دوشنبے نادے آ گوادر نا اسہ دے ئی دورہ نا وخت آ گپ و تران کرسا کرے۔ داوخت آ وزیراعلیٰ بلوچستان جام کمال و کمانڈ سدرن کمانڈ جنرل عاصم سلیم باجوہ ہم بنجائی وزیر مخدوم خسرو بختیار تون اوار ئس۔ بنجائی وزیر مخدوم خسروبختیار 28و 29 مارچ آ اڈ ہلوک آ گوادر ایکسپو 2019 ء نا بست وبند آتا ہم جاچ ءِ ہلک و ماہی گیرآتا ہندی راہشون آتون ہم اوڑدہی کرے مخدوم خسرو بختیار نا پاننگ ئس کہ گوادر اٹی شونداری نا رفتار ءِ ترند کننگ حکومت نا اولیت ءِ۔ گوادر ایئر پورٹ ، جی ڈی اے ہسپتال ، ووکیشنل انسٹی ٹیوٹ و ایلو ڈٹ آتا زوت بنا مننگ ءِ۔ گوادر ءِ نیشنل گریڈ تون گنڈنگ کن ٹرانسمیشن لین نا ڈٹ بناکننگ ءِ ، بنجائی وزیر باوری کرفینے کہ گوادر نا ہندی خلقت نا ویل آتا ایسری ءِ المی جوڑ کرسا اوفتے شونداری نا بھرم تیان فائدہ ہرفنگ نا پبی موقع ایتنہ وخت اس کہ ہندی خلقت ءِ شرکت نا باقاعدہ وارخواہی ترسا گوادر اٹی بامعنی شونداری ءِ المی جوڑ کننگک۔ اومستی پارے کہ ہندی ورناتے کسبکار کننگ کن تکنیکی علم انا وارخواہی فراوان کننگ ءُ۔ گوادر نا ورناتے پوسکن آ علم آن فائدہ ہرفسا روایتی پیشہ بشمول ماہی گیری ءِ پوسکن وڑاٹ استوار کروئی مریک۔ داکان بیدس بنجائی وزیر ڈٹ بندی ، شونداری مخدوم خسرو بختیار گوادر پورٹ و فری زون سائٹ نا معائنہ ءِ کرسا گوادر ایئر پورٹ و گوادر اٹی ایلو شونداری ڈٹ آتا سائٹ آتا ہم جاچ ءِ ہلک۔
