کوئٹہ۔ 25مارچ(اے پی پی) ہرنائی نا علاقہ زندہ پیر کلی سید آباد اٹی پِرانا سوب آن اسہ اُراسے نا چھت اسے نا تمنگ آن لمہ تون اوار 5چناتپاخت کریر وخت اس کہ اِراسال انا چناس بچا۔ ڈی سی ہرنائی عظیم جان دمڑ نا رداٹ یک شنبے و دوشنبے نا نیامی نن آ ہرنائی نا علاقہ زندہ پیر کلی سید آباد اٹی پِر انا سوب کبیر شاہ پنی ءُ بندغ اسے نا اُرانا چھت اناگت پورو وڑاٹ تما ہراٹی کبیر شاہ نا اُرائی بی بی شہزادی ، اونا مارقدیر شاہ، بصیر شاہ، ایوب شاہ، نصیب بی بی و بی بی حجرہ تپاخت کریر وخت اس کہ اسہ اِراسال انا چناس معجزانہ وڑاٹ بچانے۔ واقعہ غان پد لیویز و ہندی خلقت دمدستی وڑاٹ واقعہ نا جاگہ غا سرمرسا ریسکیو آپریشن نا بناءِ کرسا کیرغ مروک آ غٹ بندغ آتا لاش آتے کشسا سول ہسپتال ہرنائی آ مون تسر۔
