اسلام آباد۔ 25مارچ (اے پی پی) بنجائی وزیر ڈٹ بندی، شونداری و اصلاحات مخدوم خسرو بختیار دوشنبے نادے آ گوادر نا اسہ دے ئی دورہ ءِ کرے۔ دورہ ٹی وزیراعلیٰ بلوچستان جام کمال خان و کمانڈر سدرن کمانڈ لیفٹیننٹ جنرل عاصم سلیم باجوہ ئسک ہم اوڑتون اوار ئسر۔ بنجائی وزیر مخدوم خسرو بختیار گوادر پورٹ و فری زون سائٹ نا معائنہ ءِ کرے۔ او گوادر ایئر پورٹ سائٹ و ٹیکنیکل انسٹی ہسپتال نا دورہ ءِ کیک۔ بنجائی وزیر دورہ ٹی گوادر ایکسپو 2019ء نا بست و بند آتا ہم جاچ ءِ ہلیک۔
