اسلام آباد۔ 25مارچ(اے پی پی) پاک بحریہ نا سروک ایڈمرل ظفر محمود عباسی پارینے کہ نن داہیت آبایدے پورو باور کین کہ نن کن اللہ کافی ءِ و ہمو بھلا کارساز ءِ، کڑد انا پکائی تون اوار اوار حربی چاہنداری تے المی کننگ ہم ننا اولی زمواری ءِ۔ او دوشنبے نادے آ پاک بحریہ نا سی پی اوز، سیلرز و سویلین آتے کن اسلام آباد اٹی ’’امیر البحر اوپن فورم‘‘ آن تران کریکہ۔ پاک بحریہ نا ترجمان نا رداٹ پاک بحریہ نا سروک ایڈمرل ظفر محمود عباسی اوپن فورم اٹی شرکت۔ اوپن فورم اٹی پاک بحریہ نا راجی آسراتی کن کروک آ گام گیج و جاری ڈٹ آتا بابت حوال تننگا۔ اوپن فورم اٹی امیر البحر ایڈمرل ظفر محمود عباسی سی پی اوز،سیلرز و سویلین آتا کنڈآن ہریفوک آ سیر حاصل ورندی تے ہم تس۔ پاک بحریہ نا سروک ایڈمرل ظفر محمود عباسی پارے کہ نن دا ہیت آ بایدے پورو باور کین کہ نن کن اللہ ہی کافی ءِ، و ہموبھلا کارساز ءِ۔ اوپارے کہ کڑد انا پکائی تون اوار اوار حربی چاہنداری تے المی کننگ ہم ننا زمواری ءِ۔ ایڈمرل ظفر محمود عباسی ساڑی آ بے چیٹی تیٹی پاک بحریہ نا آفیسرز و ورناتا بڑزکو جوزہ و کسبی چاہنداری تا ستاءِ کرے۔
