جعفر آباد۔ 04مئی (اے پی پی) وزیر مملکت چیئرپرسن بے نظیر انکم سپورٹ پروگرام ماروی میمن پارینے کہ نیاڑی تے سوگو جوڑ کننگ و اوفتے بے سود چنکا کڑزآتا فراوانی کن مچ آ ملک اٹی پوسکن سروے نا بناءکننگ انگ ئِ ہراڑکن انٹرنیشنل ایکسپرٹس آن کمک ہلنگ انگ ئِ۔ وزیراعظم محمد نواز شریف بلوچستان اٹی شون اتنگ خواہک۔ داخیال آتا درشانی ئِ او روجھان جمالی ٹی مسکوہی وزیر اعظم میر ظفراللہ خان جمالی نا ہنکین آ اونا صاحبزادہ مسکوہی تحصیل ناظم میر عمر خان جمالی تون اوڑدہی آن گڈ میڈیا تون ہیت و گپ کرسا کرے۔ ماروی میمن پارے کہ بے نظیر انکم سپورٹ پروگرام کن مسکوہی ٹی گچین ڈٹ بندی کننگ تو ہراڑآن نیاڑی تا گیشتری اس دا پروگرام آن محروم سلیس واہم وزیراعظم محمد نواز شریف بی آئی ایس پی ٹی پوسکن اصلاحات اتنگ نا فیصلہ کرینے تانکہ نیاڑی تے راج اٹی دو توننگ آن بیدس اوفتے گچین روزگار فراوان کننگے۔ اوپارے کہ بےنظیر انکم سپورٹ پروگرام ئِ پوروی وڑاٹ کمپیوٹرائزڈ کننگ انگئِ۔
