اسلام آباد ۔ 23 مارچ (اے پی پی) بنجاہی وزیر ھالرسانی ءُُ شنگکاری چوہدری فواد حسین ءَ گوشت کہ پاکستان شہیدانی ءُُ غازیانی امانت انت۔ایشی ءِ رکھگ ءُُ دیمروئی مقدس فرض انت۔پاکستان ءِ امانت تہ خیانت کنوکان عبرت ناکیں انجام بوتگ،عمران خان ءِ راھشونی ءَ پاکستان تحریک انصاف قائداعظم ءُُ علامہ اقبال ءِ پکرانی سرجمی ءِ ھاترا کاربند انت۔ھپتگ ءَ ھالرسانی ءُُ شنگکاری وزیر چویدری فواد حسین ءَ یوم پاکستان ءِ سرا شہیداں ءُُ غازیاں را خراج عقیدت ءُُ راج ءَ را مراد بات داتگ،آہاں گوشت کہ مروچیگیں روچ تجدید عہد ءِ روچ انت ،وتی اسلاف ءِ روژن کردءَ را دیما برگ ءِ ضلورت انت۔آہاں گوشت کہ مروچی مارءَ وتی پت ءُُ پیروکانی مزنیں قربانیءَ را یاد دارگی انت کہ آہاں قائد اعظم محمد علی جناح ءِ راھشونی ءَ پاکستان ءَ را مھکم،وشھالءُُ فلاحی استان جوڈ کنگ ءِ جزم کتگ ات۔آہاں گوشت کہ اے رنگیں استان کہ اودا امیر ءُُ گریب ءِ ھاترا کانود جتا مہ بنت،اودا کہ چاگردی انصاف ءَ را سدکی دارگ بیت ءُُ ابید پرک ءِ دراھیں شہریاں را دیما روگ ءِ بروبرءِ موہ ساڑی بنت۔آہاں گوشت کہ تحریک پاکستان ءِ کاروان وتی گڈی مکسد ءَ را زورایت۔
