اسلام آباد ۔ 23 مارچ (اے پی پی) صدر مملکت ڈاکٹر عارف علوی ءَ گوشت کہ مروچی مہ پاداتگیں معاشی تاگت ءَ گوں ھوار دفاعی لحاظ ءَ گوں سوگو ءُُ پُرامنیں ایٹمی ملک انت۔مہ دگنیا ءِ دراھیں ملکانی وت واکی ءُُ سلامتی ءِ احترام کنگ اوں،پاکستان یک راستی انتءُُ بھارت ءَ را اے منئگ بیت ،مارا رجدپترءِ مزنیں ناشرکاری چیلنج ءِ دیم گندگ بوتگ۔خطہ ءَ را امن ءِ ضلورت انت ،جنگ ءِ ابیدتعلیم،جان سلامتی ءُُ روزگار ءِ پھجارگ ءِ سرا دلگوشی دیگ بیت۔ مئے جنگ غربت ءُُ بے روزگاری ءَ گوں انت،مہ دگنیا ءِ ایوکءِ راج انت کہ آئی ءَ دراجیں جنگ مڑاتگ،جانی ءُُ مالی قربانی دات بلے برزیں حوصلہ ءَ گوں ناشرکاری ءِ مقابلہ کتگءُُ ناشرکاراں را بے سوب کتگ۔ابید شک ءِ پاک فوج ءَ کسبی بودءِ کسے بروبر نیست ات،سیمسرانی سرا وتن ءِ دفاع ءِ فرض سرجم کنوکاں را سلام پیش کنگ اوں شما راجے پکر انت۔مروچیگیں پریڈ کلوھ ءَ دیگ انت کہ مہ پرامنیں راج انت بلے وتی دیمپانی نہ شموشتگ ات۔آں ھپتگ ءَ پریڈ گراونڈ ءِ تہ سلاھ بندیں اُردو ءِ یکجاھیں پریڈ ءَ گوں گشتانک کنگ ات۔پریڈ ءِ اعزازی مہمان ملائیشیا ءِ مزن وزیر مہاتیر بن محمد ات وھدیکہ مزن وزیرعمران خان ،چیئرمین جوائنٹ چیفس آف سٹاف کمیٹی جنرل زبیر محمود حیات ،چیف آف آرمی سٹاف جنرل قمر جاوید باجوہ ،پاک بحریہ ءِ سروک ایڈمرل ظفر محمود عباسی ،پاک فضائیہءِ سروک ائیر چیف مارشل مجاہد انور خان ،آزربائیجانءِ دیمپانی وزیر ذاکر حسنوف ،بحرین نیشنل گارڈ ءِ کمانڈرءِ ھوار دوست ملکانی فوجی دستہ ءَ،نماھندگاں،سفارتکاراں،بنجاہی وزیراں،پارلیمنٹ باسکانی ھوار مہلوک ءِ مزنیں کچ ساڑی ات۔مراگش ءِ گڈی بھر ءَ صدرِ پاکستان ءَ پُرشانین پریڈ ءِ برجمداری ءِ سرا پریڈ کمانڈر،شریداراںءُُ بندءُُ بوج کاراں را مرادبات داتگ۔
