اسلام آباد ۔ 23 مارچ (اے پی پی) قرارداد پاکستان ءِ 79 سال سرجم بوھگ ءِ سرا یوم پاکستان ملی جوش ءُُ جوزگ ءَ گوں گوازینگ بوتگ ءُُ اے جزم ءِ تجدید کتگیں قرارداد پاکستان ءِ روژنی ءِ تہ ملک ءَ را برز کنیں۔ یوم پاکستان ءِ بنجاہی مراگش پریڈ گراؤنڈ ءِ تہ سہب ءِ 9بج ءِ ساعت ءَ بندات بوتگ،ایشی ءِ تہ سئیں سلاھ بندیں اردو ءَ یکجاھیں پریڈ ءِ تہ بھرزوراتگ۔مراگش ءِ ھاسیں مہمان صدرڈاکٹر عارف علوی ءُُ ملائیشیا ءِ مزن وزیر مہاتیر محمد اتنت وھدیکہ مراگش ءِ تہ مزن وزیر عمران خان، سروسز چیفس، بنجاہی وزراء،درملکی سفارتکارانی ھوار مزنیں کچ ءَ مہماناں بھرزوری کتگ۔اے درگت ءَ پاک فضائیہ ءِ گراباں وتی بود ءِ درشان کتگ۔ یوم پاکستان ءِ درگت ءَ سرجمیں ملک ءِ تہ لس موکل ات۔یوم پاکستان ءِ موہ ءَ ایوان صدر ءِ تہ ھاسیں مراگش برجمینگ بوتگ۔ایشی ءِ تہ لہتیں تکءَ جوانیں کرد پیش داروکیں مردماں را راجی داددیگ بوتگ ات۔
