پاکستان ءِ سئیں سلاھ بندیں اُردو ءِ79می یوم پاکستان ءِ سرا چکاریں دفاعی بود ءِ درشان کنان ءَ پُرشانیں یکجاھیں پریڈ ءِ برجمداری

اسلام آباد ۔ 23 مارچ (اے پی پی) پاکستان ءِ سئیں سلاھ بندیں اُردو ءَ79می یوم پاکستان ءِ سرا چکاریں دفاعی بود ءِ درشان کنان ءَ پُرشانیں پریڈ ءِ برجمداری کتگ ،آزربائیجان ءِ وزیر دفاع ،بحرین ءِ آرمی چیف ،ترکی، بحرین ،رومانیہ،چین ،سعودی عرب،سری لنکا ءُُ آزربائیجان ءِ دستہ ءَ سلاھ بندیں اُردو ءِ یکجاھیں پریڈ ءِ تہ وتی وتی ملکانی نماھندگی کتگ ہمہ کہ اے ملکاں گوں جہلانکیں دوستی ءِ پدرائی انت، پریڈ ءِ اعزازی مہمان ملائیشیا ءِ مزن وزیر مہاتیر محمد ات، پاک فضائیہ ءِ سروک ایئر چیف مارشل مجاہد انور ءَ فلائی پاسٹ وھدیکہ ایس ایس جی کمانڈنگ آفیسر میجر جنرل طاہر مسعود بھٹہ ءَ فری فال جمپنگ ءِ راھشونی کتگ۔پاک فضائیہ ءِ جے ایف 17تھنڈر‘ایف 16ءُُ شیر دل فارمیشن ءَ افق سرا وشیں رنگ تالان کنان ءَ گواتی کرتب ءِ درشان کتگ۔ھپتگ ءَ79می یوم پاکستان ءِ موہ ءِ سرا بنجاہی بنجاھ ءِ پریڈ گراونڈ ءِ تہ پُرشانیں پریڈ ءِ برجمداری کنگ بوتگ۔صدر مملکت ڈاکٹر عارف علوی اے مراگش ءِ ھاسیں مہمان اتنت۔مزن وزیر عمران خان ،چیئرمین جوائنٹ چیفس آف سٹاف کمیٹی جنرل زبیر محمود حیات ،چیف آف آرمی سٹاف جنرل قمر جاوید باجوہ ،پاک فضائیہ ءِ سروک ایئر چیف مارشل مجاہد انور ، پاک بحریہ ءِ سروک ایڈمرل ظفر محمود عباسی ،دیمپانی وزیرپرویز خٹک،ریلوے ءِ بنجاہی وزیرشیخ رشید احمد، پارلیمنٹ باسکاں،درملکی نماھندگاں،سفیراں،ہائی کمشنراں،پاکستانی ازمکاراں،ملکی ءُُ درملکی میڈیاءِ ھوار مہلوک ءَ مزنیں کچ ءَ پریڈ ءِ تہ بہر زوری کتگ۔مزن وزیر عمران خان ،ملائیشیا ءِ مزن وزیر مہاتیر محمد،آرمی چیف جنرل قمر جاوید باجوہءَ صدر مملکت ءَ را وش اتک کتگ ایشی ءِ رندا راجی ساز گوشدارگ بوتگ۔ صدر مملکت ءَ پریڈ کمانڈر بریگیڈئرنسیم انورءِ ھوار پریڈ ءِ تہ پنجاب رجمنٹ ‘فرنٹیئر رجمنٹ ‘نادرن لائٹ انفینٹری ‘پاک بحریہ ‘پاک فضائیہ ‘مجاہد فورس ‘فرنٹیئر کور خیبر پختونخواہ ‘پاکستان رینجرز ‘ پاکستان پولیس ‘ٹرائر ی سروسز لیڈیز ‘ آرمڈ فورسز لیڈز آفیسرز ‘ بوائز سکاؤٹس ‘ گرلز گائیڈ ءُُ ٹرائی سروسز سپیشل گروپ ءِ دستہ ءَ چار ءُُ تپاس کتگ۔ایشی ءِ رندا پاک فضائیہ ءُُ پاک بحریہ ءِ گراباں پُرشانیں فلائی پاسٹ بوتگ ایشی ءِ تہ جے ایف 17 تھنڈر ءُُ ایف 16 ، میراج، پی تھری سی ءُُ ین، ایف سیون، پی جی سیون، قراقرم ایگل، سیپ 2000، کے ای تھری اواکسءِ ھوار لہتیں جنگی گراباں بھرزوری کتگ۔ فضائی مارچ پاسٹ ءِ راھشونی پاک فضائیہ ءِ سروک ایئر چیف مارشل مجاہد انورءَ کتگ۔پاک فضائیہ ءِ گراباں صدر مملکت ءَ را سلامی داتگ۔ترکی فضائیہ ءِ گراباں ءُُ چین ءِ گراباں ھم پریڈ ءِ تہ بھرزوری کتگ۔پریڈ ءِ تہ پنجاب رجمنٹ ‘فرنٹیئر رجمنٹ ‘نادرن لائٹ انفینٹری ‘پاک بحریہ ‘پاک فضائیہ ‘مجاہد فورس ‘فرنٹیئر کور خیبر پختونخواہ ‘پاکستان رینجرز ‘ پاکستان پولیس ‘ٹرائر ی سروسز لیڈیز ‘ آرمڈ فورسز لیڈز آفیسرز ‘ بوائز سکاؤٹس ‘ گرلز گائیڈ ءُُ ٹرائی سروسز سپیشل گروپءِ دستہ ءَ پرشانیں پریڈ ءِ درشانی کتگ۔