اسلام آباد ۔ 23 مارچ (اے پی پی) ملائیشیا ءِ مزن وزیر ڈاکٹر مہاتیر محمد پاکستان ءِ سئے روچیں سرکاری تروتاب سرجم کنان ءَ ھپتگ ءَ واترروانہ بوتگ ات۔ نور خان ایئر بیس ءِ سرا مزن وزیر عمران خان ءَ آہاں را خداحافظ کتگ۔اے درگت ءَ ملائیشیا ءِ مزن وزیر ءَ را نورخان ایئربیس ءِ سرا جے ایف تھنڈر گرابانی باروا سرجمیں بریفنگ دیگ بوتگ۔ ملائیشیا ءِ مزن وزیر ءَ پاک چین کمک ءَ گوں تیار بوتگیں نوکتریں جنگی گرابانی تہ جہلانکیں دلچسپی پدر کتگ۔آہاں اے ساعت ءَ جے ایف 17تھنڈر جنگی گرابانی چار ءُُ تپاس کتگ ءُُ ایشی لہتیں بھر دیستگ ات۔پاک فضائیہ ءِ مزن تکی واکدار ءَ بریفنگ داتگ۔پدر بہ بیت کہ مزن وزیرمہاتیر محمد ءَ را یوم پاکستان ءِ پریڈ ءِ تہ ھاسیں مہمان ءِ بستار ءَ شریداری ءِ ھاترامزن وزیر عمران خان ءِ نیمگا چہ ھاسیں وڈ ءَ دعوت دیگ بوتگ ات۔
