اسلام آباد ۔ 23 مارچ (اے پی پی) سپیکر قومی اسمبلی اسد قیصر ءُُ ڈپٹی سپیکر قومی اسمبلی قاسم خان سوریءَ گوشت کہ یوم پاکستان تجدید عہد ءُُ وفا ءِ روچ انت ،مروچیگیں روچ ءَ ماراوتی وت مہ وتی اختلافءَ را شموشان ءَ ملک ءِ تعمیر ءُُ دیمروئی ءِ ھاترا قائد ءِ اتحاد،ایمان ءُُ تنظیم ءِ راھدبری راھبندءَ ھلگءِ عہد کنگ بیت۔ھپتگ ءَ یوم پاکستان ءِ درگت ءَ سپیکر ءُُ ڈپٹی سپیکر بنجاہی اسمبلی ءِ راج ءَ را مراد بات دیان ءَ وتی جتا جتاھیں کلوھ ءِ تہ گوشت کہ 23مارچ ءِ روچ برصغیر ءِ راج دپترءِ تہ یک ھاسیں مقام ءِ دارگ انت۔ 79 سال پیسرءَ مروچیگیں روچ ءَ جنوبی ایشیا ءِ مسلماناں قائد اعظم ءِ راھشونی ءَ لاہورءِ تہ وتی ھاترا یک جتاھیں وتن ءِ زورگ ءِ ھاترا جدوجہد کنگ ءِ عہد کتگ ات۔اسد قیصر ءَ گوشت کہ اے درگت ءَ قرارداد لاہور منگ بوتگ ات ایشی ءَ را پدا قرارداد پاکستان ءِ نام دیگ بوتگ،اے قرار داد ءَ مسلمانءَ را نوکیں سوچ ءُُ بچار داتگ ءُُ آجوئی جنز ءَ را یک نوکیں جوش داتگ۔ یومِ پاکستان تجدید عہد ءُُ وفا ءِ روچ انت۔
