اسلام آباد۔ 24 مارچ (اے پی پی)بنجاہی وزیر ھالرسانی ءُُ شنگکاری چوہدری فواد حسین ءَ گوشت کہ پاکستان مودی ءِ بھارت نیست ات اودا کہ منارٹیز ءِ حق رکھگ مہ بنت، مزن وزیر عمران خان ءِ نوکیں پاکستان ءِ تہ منارٹیز ءَ را بروبر ءِ حق حاصل انت۔یک شمبے ءَ بنجاہی وزیر ءَ سندھ ءِ دو ہندو جنینانی مبینہ آوار جنئگ ءِ معاملہ ءِ سرا بھارتی دری کارانی وزیر شسما سوراج ءِ پسو دیان ءَ یک ٹویٹ ءِ تہ گوشت کہ اے پاکستان ءِ توکی معاملہا انت ،اے مودی ءِ ہندستان نیست انت اودا کہ منارٹیز ءِ حق محفوظ نیست انت۔چوہدری فواد حسین ءَ گوشت کہ اے عمران خان ءِ نوکین پاکستان انت ادا منارٹیز ءِ حق محفوظ انت۔آہاں گوشت من امیت کنان کہ شما بھارتی ھم منارٹیز ءِ حقانی معاملاہاں اے رنگیں ردعمل دیت۔بھارتی دری کارانی وزیر ءَ وتی ٹویٹ ءِ تہ پاکستان ءِ تہ بھارتی ہائی کمشنرءَ چہ واکیہ ءِ رپورٹ لوٹ کرتگ ات۔
