اسلام آباد۔ 24 مارچ (اے پی پی) صدرمملکت ڈاکٹر علوی ءَ مہلوک ءِ سرا زور دات کہ آں فطرت ءَ گوں نزیکیں سیادی ءَ ایر کن انت تنکہ میاں اوستمانی حدت ءِ چیلنج ءَ گوں دیم دیگ بیت،نیم ایشیائی ریاستءَ نوروز فیسٹیول ءِ برجمداری کت امن ءِ کلوھ داتگ،یک روژن ءِ باندات نیمی ایشیاء ءِ متلاشی انت،پاکستان ءَ ناشرکاری ءُُ بیمکاری ءَ را پروشت داتگ ءُُ نوں آں دیمروئی ءِ راہ ءَ روگ انت، ہمساھگ ءُُ دگہ دوست ملک دمگ ءِ تہ امن ءِ واھگدارانت۔یک شمبے ءَ ادا پاکستان ءِ تہ نوسفارتی مشن ءِ چیردستی برجمیں رنگ رنگیں نوروز فیسٹیول ءَ گوں تران کنگ ات۔اے فیسٹیول ءِ برجمداری ءَ اقوام متحدہ ءُُ سرینا ہوٹل ءَ کمک ھم کتگ۔صدر مملکت ءَ گوشت کہ فطرت وتی شان ءُُ شوکت ءَ پیدارگ انت بلے مہ انسان ایشی ءَ را دیست مہ کنگ اوں۔ صدرمملکت ءَ شریدارانی ھاترا نوروز ءِ درگت ءَ نیکیں واھشتانی درشان کنان ءَ شریک ملکانی ربیدگی کرد ءَ را ساڑاتگ۔مراگش ءِ برجمداری ءِ تہ ازبکستان، ترکمانستان، پاکستان، تاجکستان، قزاقستان ، آذربائیجان، افغانستان، کرغستان، ایران ءُُ ترکی ھواراتنت۔دراھیں ملکاں وتی ربیدگی ءَ ھوار نماشی اسٹال ھم جتگ ات ایشانی تہ ہمہ ملکانی ورگ ءُُ پچ ءُُ پوشاک ھم ایر کنگ بوتگ ات وھدیکہ اسٹال ءِ سرا عملہ ءَ وتی ربیدگی پچ ءُُ پوشاک کتگ ات۔شریداراں را نوروز فیسٹیول ءِ ھاترا ھاسیں تیارکتگیں ’’سمانک ’’ روایتی سویٹ ڈش پیش کنگ بوتگ ہمہ کہ گندیم،شیر ءُُ آپ ءَ گوں تیار کنگ بوتگ ات۔ صدر مملکت ءَ فیسٹیول ءِ تچکی ءَ بنداتی کیک کاٹ کنان ءَ کتگ۔صدر مملکت ءَ دراھیں سٹالانی تروتاب ھم کتگ۔
