اسلام آباد۔22مارچ(اے پی پی) تہی کارانی ملکی وزیر ءَ گشتگ کہ پاکستانءِ سرءَ ففتھ جنریشن ہائیبر وار لڈّگ بوتگ، سوشل میڈیاءِ سرءَ پاکستانءَ را بد گشگ بیت ءُ بازیں ورناہ اے گپانی بھر جوڑ بنت، پاک فوج ءُ ملک ءِ بہادریں اُرد ماتیں وطنءِ ھاترءَ وتی جاناں ندر کنگءَ اَنت، اگاں کسے گوں وتی وطن ءَ گوں وپادار نہ بوت آئیءِ ایمان سرجم نہ اِنت۔ ورناہ وتءَ را تان ملکی ، لسانی ءُ دمگی پجارءَ اوشت مدے اَنت بلکیں میاں اوستمانی تکءَ ہم پاکستان ءِ پجار کنگءَ وتی کردءَ پیلو بہ کن اَنت۔ جمعہ ءِ روچءَ قائداعظم مزن شاہ دربرجاہ ءَ پاکستان روچءِ درگتءَ بوتگیں مراگشءِ گڑی سیشنءَ گون تران کنانءَ آئیءَ گشتگ کہ سرجمیں دنیاءِ چم گوں پاکستانءَ سک اَنت ، ملائیشیا ءِ مز ن وزیر مہاتیر محمد 92 سالءِ اُمبرءَ پاکستانءِ ترءُ تابءَ کنگءَ اِنت۔ تہی کارانی ملکی وزیر ءَ گشتگ کہ پاکستانءِ سرءَ ففتھ جنریشن ہائیبر وار لڈّگ بوتگ۔ مرچیگیں مسلمان پریشان ءُ سوچ ءُ حیالانی آماچ اِنت ۔ ما دمگ ، زبان ءُ نسل ءِ بنیاتءَ نہ تنا یک پاکستانی شہریءِ بوہگءَ دژمنءَ پروش بدے اَنت۔ پاکستان ہرچ وڑیں قدرتی مالءُ مڈی ءَ چہ سیر آباد اِنت ءُ دیمروئی ءِ بازیں موہ اَست کہ ایشانی چہ پائدگ چست کنگءِ ضلورت اِنت، آئیءَ گشتگ کہ پاکستان کلمہ طیبہ ءِ بنیاتءَ رمضان ءِ 27می شپ ءَ جوڑ بوتگ۔ آئیءَ گشتگ کہ مارا دلپروش بوہگءِ بدل ءَ محنت کنگ ءُ دیما رؤگ لوٹ ایت،آئیءَ ورناہ آنی سرءَ زور پِر داتگ کہ سوشل میڈیاءِ سرءَ پاکستان ءَ را بدءُ رد کنوکانی بھر جوڑ مہ بئے، پہ پاکستانءِ رکھینگءَ پاکستانءِ اُرداں وتی جان ندر کتگ اَنت۔ آئیءَ گشتگ کہ ناشرکاراں اہچ دین مذہب نیست، دنیاءَ کجءَ ہم ناشرکاری بہ بیت ما آئیءَ ایر جناں، پاکستانءِ دژمن پاکستانءِ حلاپءَ وتی پندلاں سازگءَ اَنت، بلے آ بزان اَنت کہ پاکستان ءِ 22کروڑ اُلس پاک فوج ءَ گوں ہم کوپگ اَنت۔ آئی ءَ گشتگ کہ مقبوضہ کشمیرءِ نودربر ہم قائد اعظم مزن شاہ دربرجاہ ءَ وانگءَ اَنت، آہانی سیٹ گیش کنگ بنت۔ آئیءَ گشتگ کہ ریسرچ ءَ قائداعظم مزن شاہ دربرجاہ ملک ءِ مزنیں شاہ دربرجاہ آں ہوار بیت، اے گہتر کنگ بیت، آئی آر آئی ءِ ڈائریکٹر جنرل ڈاکٹر ضیاء الحق ءَ گشتگ کہ مسلمان وانگءُ زانگءِ پڑءَ دیمروئی بہ کن اَنتءُ ملک ءِ نا م ءَ روژناہ بہ کن اَنت۔ پاکستانءِ ورناہ پاکستان ءِ طاقت اَنت۔
