اسلام آباد۔ 22مارچ (اے پی پی) بنجائی وزیر آبی وسیلہ فیصل واوڈا پارینے کہ دیر زندگی ءِ، کنوئی ءُ ساف دیر اسہ بنداوی ءُ حق اسے، حکومت کوشست کننگ ءِ کہ ہر شاری ءِ کنوئی ءُ ساف دیر تننگے۔ اوداہیت ءِ دیر انا جہانی دے انا وخت آ تینا اسہ کلہو اسے ٹی پارے۔ اوپارے کہ دیر کن خور انا فراوانی و کشت وکشار کن اہم ءِ، 93درسد دیر کشت وکشار نا بشخ ٹی کاریم اٹ اتنگک۔ اوپارے کہ پاکستان ہمو ملک آتے ٹی اوار ءِ ہرافتے بروک آ سال تیٹی دیر انا شدید کاختی تون مون تروئی تمنگ کیک۔ فیصل واوڈا پار ے کہ ارب آ روپئی مالیت نا ہنین دیر ہر سال سمندر اٹی تمسا زیان مریک۔ دیر ءِ بچفنگ وخت انا گر ج ءِ۔ اوپارے کہ آبی کوڑی تا تفنگ ساڑی حکومت نا اولیت ءِ، تدوک آ 50 سال اٹی اسہ حکومت اس ہم آبی کوڑی تا تفنگ ءِ سنجیدگی اٹ التو، کراچی شار ءِ سال تیان دیر انا کاختی نا مون تروک ءِ، اوپارے کہ بنجائی حکومت کراچی ءِ دیر انا فراوانی کن ہروڑکمک نا باوری کرفینے۔
