اسلام آباد۔ 22مارچ(اے پی پی) بنجائی سیکرٹری وزارت اطلاعات و نشریات شفقت جلیل پارینے کہ قوم اکن 23مارچ تاریخی ءُ دے اسے نا حیثیت تخک، یوم پاکستان پبی جوش و جوزہ اٹ اڈتننگک، بابائے قوم انا پاکستان نا جوڑ کننگ کن جہد آن پوسکن آ چین ءِ روشناس کرفنگ کن تاریخی عکس آتا نمائش کون آ سرجزآک اہمیت تخرہ۔ او جمعہ نادے آ ڈائریکٹوریٹ آف الیکٹرانک میڈیا اینڈ پبلی کیشنز نا کنڈآن ایوان قائد ایف نائن پارک اٹی مسہ دے ئی عکسی نمائش نا بنائی دود آن تران کریکہ۔ اوپارے کہ دا عکسی نمائش تحریک پاکستان کن جہد کروک آتے خراج عقیدت پیش کننگ نا اسہ ذریعہ اسے۔ اوعکسی نمائش نا اڈتننگ کن ڈائریکٹوریٹ آف الیکٹرانک میڈیا اینڈپبلی کیشنز نا کوشست آتا ستاءِ کرے۔ اواومیت ظاہر کرے کہ بانی پاکستان قائد اعظم محمد علی جناح نا پاکستان ءِ پوسکن ءُ فلاحی ریاست اس کننگ نا تصور کن کروک آ جہدءِ زوت سرسہبی دوئی مریک۔ اوپارے کہ زند انا غٹ بشخ آتیان تعلق تکوک آ خلقت خاص کر ورناچین ضرور دا نمائش نا دورہ ءِ کیر و پاکستان نا قیام کن جہد کروک آ شخصیت آتے خڑک آن ہریر۔ داکان مست سیکرٹری اطلاعات قومی بیرک ءِ چست کرے و اسہ خصوصی ءُ دستاویزاتی فلم، ملی نغمہ غاتے ہم ہرا و نمائش نا دورہ ءِ ہم کرے۔ سیکرٹری اطلاعات ءِ داوخت آ حوال اٹی پاننگاکہ پاکستان نا قیام کن جہد کروک آ شخصیت آتا 200 آن زیات عکس آتے نمائش اٹی تخنگانے۔ داوخت آ ڈی جی ڈیمپ شاہیرا شاہد، پی آئی او میاں جہانگیر اقبال، ڈپٹی ڈی جی محمد طاہر و ایم ڈی اے پی پی قمراللہ چوہدری ئسک ہم ساڑی ئسر۔
