راولپنڈی۔ 22مارچ(اے پی پی) پاک فوج انا کنڈآن 23مارچ یوم پاکستان کن ’’پاک فوج انا ورناتا عزم و مچ آ دنیا ٹی رہینگوک آ پاکستانی تا توار، پاکستان زندہ باد‘‘ نا سرحال آن پرومواس جاری کرے۔ پاک فوج انا شعبہ تعلقات عامہ (آئی ایس پی آر) ناڈائریکٹر جنرل میجر آصف غفور نا کنڈآن ٹویٹ نا کمک اٹ جاری کروک آ پرومو ٹی ہرمسٹ آ سلہہ بند فوج انا فیلڈ ورک، سلہہ بند فوج انا ورناتا جیرت و حوصلہ ءِ تالان کننگانے۔ پروموٹی پاکستان نا ہرمسٹ آ سلہہ بند فوج اتون اوار اوار پاکستان نا سول آرمڈ فورسز، پولیس، ٹریفک پولیس، ریسکیو 1122و ایلو تعلقدار ادارہ غاتا آپریشنل امور آتے ہم تالان کننگانے۔ پاک فوج انا کنڈآن مچ آ دنیا ٹی رہینگوک آ پاکستانی تا توار، پاکستان زندہ باد نا سرحال آن ارٹ میکو پرومو ءِ جاری کرینے ہراٹی چین، ہانگ کانگ، سویڈن، بارسلونا، فرانس، برطانیہ، ماسکو، ساؤتھ افریقہ ، جرمنی ، برسلز، انڈونیشیا ، تہران، نائیجیریا ، آستانہ ، ترکمانستان ، ترکی ، مصر، ملائیشیا ، امریکہ تون اوار ایلو ملک شارتیٹی رہینگوک آ پاکستانی تا کلہوآک اوار ءُ۔
