اسلام آباد۔ 22مارچ(اے پی پی) ملائیشیا نا وزیراعظم ڈاکٹر مہاتیر محمد نا شرف اٹی جمعہ نادے آ ایوان وزیراعظم اٹی بیابخیری دود اس اڈ ہلک ہراپاکستان نا مسہ دے ئی سرکاری دورہ غاٹی ءِ۔ ملائیشیا نا وزیراعظم ایوانِ وزیراعظم آ سرمس تو وزیراعظم عمران خان اودے جم و جوش اٹ بخیر کرے۔ او سلامی ناجاگہ غا سرمس تو ہڑتوم آ ملک آتا قومی ترانہ ءِ ہم خلنگا۔ سلہہ بند فوج انا چاق و چوبند دستہ اودے سلامی پیش کرے۔ ملائیشیا نا وزیراعظم گارڈ آف آنر نا معائنہ ءِ کرے۔ اوکان پد وزیراعظم عمران خان تینا کابینہ نا باسک آتے تینا ملائیشیا نا ہم منصب تون درستی راستی کرفے وخت اس کہ ملائیشیا نا وزیراعظم تینا ڈل انا باسک آتا وزیراعظم تون درستی راستی ءِ کرفے۔
