اسلام آباد۔ 21 مارچ (اے پی پی) وزیر ءِ مملکت برائے توکی کار شہریار آفریدی ءَ گوشت کہ ریاست بلیک میل نہ بیت، کانود ءَ را لگت مال کنوک آنی ھلاپ ءَ ترندیں کاروائی کنگ بیت، کانود ءِ مستری ءِ واستہ اِچ رنگیں کم ءُُ گیشی کنگ نہ بیت، توامیں دگنیا ءِ چم گوں ما اَنت، مارا نیک راھی کار آنی درشان کنگی اِنت۔ پنچ شمبے ءِ روچ ءَ ادا پریس کانفرنس ءَ گوں گشتانک دیان ءَ کت کہ اچ رنگیں نیک راھ چاگرد ءِ تہ ءَ ملکی سلامتی ءُُ ایمنی ءِ واستہ وزارت ءِ توکی کار ءِ کرد کلیتی بستار ءَ دار ایت، جتائیں لیکہ ءِ دارگ جمہوریت ءِ سینگار اِنت ھرکس ءَ را وتی جاک ءُُ کوکار ءَ را ریکاٹ کنگ ءِ ھک اَست انت بلے ایشی ءِ کار رپک ات۔ آئی ءَ گوشت کہ من وتی سیاسی زندمان ءَ ڈرون اُرش، کرپشن ءُُ گچین کاری کار آنی شررنگ ءُُ ساپ کنگ ءَ ھوار ارزشتی ایں سیاسی ءُُ ملکی جیڈھ آنی واستہ دگ ءُُ سٹرک آنی سر ءَ جاک ءُُ کوکار ءَ ھوار لانگ مارچ کتگ بلے کانود ءَ را لگت مال نہ کتگ ادارگ آنی شرپ ءُُ ازت کتگ ءُُ اچ بر کانود ءَ را ڈگار ءَ نہ جتگ بلے گوستگیں روچ ءَ ھرچی کہ بوت دیم ءَ انت ءُُ کیمرہ ءَ توامیں چیز ریکاٹ کتگ اَنت۔ آئی ءَ گوشت کہ زیک اسلام آباد ءِ واکیہ ءَ 9پولیس کارندہ ٹپیگ بوتگ اَنت، میڈیا ءِ باسک آناں ھم مشت ءُُ موکونڈی کنگ بوتگ، کانود ءَ را مھکم داروکیں مردم آنی سر ءَ اُرش کنگ ءِ اچ جواز نیست انت آئی ءَ گوشت کہ پولیس ءَ را رکھینگ منی زمہ واری انت چیا کہ آ ورنا اَنت مشکلیں وھد ءَ وتی ڈیوٹی ءَ پیلو کنگ ءَ انت۔ آئیءَ گوشت کہ ریاست بلیک میل نہ بیت ءُُ کانود ءَ را لگت مال کنوک آنی ھلاپ ءَ کاروائی کنگ بیت۔
