بنجائی وزیر جان جوڑی عامر محمود کیانی تون ہنگری نا سفیر نا اوڑدہی

اسلام آباد۔ 21مارچ(اے پی پی) بنجائی وزیر جان جوڑی عامر محمود کیانی تون ہنگری نا سفیر استوان سزابو پنچ شنبے نادے آ داڑے اوڑدہی کرے۔ اوڑدہی ٹی ہڑتوم آ کنڈآتا کمکاری ءِ مون آ دننگ تون اوار تین پہ تینی است خواہی نا معاملہ غاتیا گپ و تران کننگا۔ داوخت آ ہنگری نا سفیر پارے کہ او پاکستان نا پنچ سد طالب علم آتے اسکالر شپ تننگ ءِ۔ وزیر جان جوڑی عامر محمود کیانی ہنگرین سفیر ءِ پارے کہ اسکالرشپ انا اسکیم ٹی نرسنگ نا تعلیم ءِ ہم اوار کننگے۔ ہراڑا ہنگرین سفیر بنجائی وزیر جان جوڑی ءِ نرسنگ نا تعلیم نا بابت پبی کمکاری نا باوری ترفے۔ بنجائی وزیر جان جوڑی پارے کہ جان جوڑی و تعلیم نا بشخ اٹی شونداری آن بیدس راج شون ہلنگ کپک۔ وزیراعظم عمران خان نا وژن نا رداٹ جان جوڑی نا بشخ حکومت نا اولیت ءِ و نرسنگ نا جان جوڑی نا بشخ اٹی تمبہ نا حیثیت تخک۔ اوپارے کہ پاکستان اٹی نرس آتا کمتی ءِ و ملک اٹی نرس آتا کچ اٹی ودکی کننگ وخت انا گرج ءِ، حکومت نرس آتا کمتی ءِ پورو کننگ کن سوگو حکمت عملی اٹ کاریم کننگ ءِ۔ ہنگرین سفیر وزارت جان جوڑی نا پیڈل فار ہیلتھ پروگرام نا ستاءِ کرے۔ سفیر پاکستانی سرجیکل ازباب آتے ٹی است خواہی نا درشانی ءِ کرینے۔