اسلام آباد۔ 23جنوری (اے پی پی) پناہ گزین آتا جہانی ادارہ یواین ایچ سی آر رجسٹرڈ اوغان مہاجر آتے پارت کرینے کہ او تینا پنچ سال آن کم وئی نا چناتا رجسٹریشن ئِ 28فروری آن مست کرفیر تانکہ اوفتے 400 ڈالر نا امداد ملنگ کے۔ دوشنبے آ یواین ایچ سی آر نا نمائندہ ”اے پی پی “ تون ہیت وگپ کرسا پارے کہ مچ آ ملک اٹی رجسٹرڈ رہینگوک اوغان مہاجر آتے پارت کننگک کہ او 28فروری 2017ءآن مست یو این ایچ سی آر نا مچ آ ملک اٹی وی آر سی بنجاتیٹی تینا پنچ سال آن کم وئی چناتا رجسٹریشن ئِ کرفیر تانکہ اوفتے وطن آ پدی ہِننگ نا وخت مشکل آتون مون تروئی تمپ۔ اوپارے کہ اگہ وطن آ پدی ہِننگ نا وخت رجسٹرڈ اوغان مہاجر آک تینا چناتا رجسٹریشن ئِ کرفتوس تو اوفتے وطن آ پدی ہِننگ نا وخت آ 400 ڈالر فی کس مالی امداد تننگپک۔ اوپارے کہ رجسٹرڈ اوغان مہاجر آتا وطن آ پدی ہِننگ یکم مارچ آن دُوارہ بناءکیک۔
