اسلام آباد۔20مارچ(اے پی پی) حال ءُ احیوال کاری ءُ شنگکاری ءِ بنجاہی وزیر چوہدری فواد حسینءَ گشتگ کہ بلاول بھٹو ءُ آصف علی زرداری ءِ نیب ءَ پیشی ءِ وہدءَ مُچیءَ پولیسءِ سرءَ اُرش کتگ، شما اے گشگ لوٹ اِت کہ شمارا پہ جستءُ پُرسءَ چیا توار کتگ، اے وڑ بندش جتگیں تنظیم ءِ مردم کن اَنت، اے تبءُ میل قانودءِ حلاپ اَنت، اُمیت اِنت کہ پی پی پی ءُ آئیءِ سروک وتی اے تب ءُ میلءَ چہ پہلی لوٹ اَنت، بلاول انچو تران کنگ ءَ بوتگ کہ پورہ آئی ءِ دیما لکھانی مچی یے اَست، اُرش کنگءَ پولیسءَ سگءُ اوپار کتگ، پولیسءِ سگءُ اوپار کنگ لکھ ستاہ کرزیت۔ چارشمبے ءِ روچءَ بنجاہی وزیر فواد چوہدری ءَ بلاول بھٹو ءُ آصف زرداری ءِ نیب ءَ پیش بوہگءِ ہوالگءَ وتی ویڈیو کلوہ ءَ گشتگ کہ مرچی بلاول بھٹو ءُ آصف زرداری بھٹو نیبءَ پیشیءَ توار کنگ بوتگ اَنت، اے پیشی ءِ موہءَ پی پی پی ءِ 500ءَ چہ گیش کارکن مُچ بوتگ اَنت ۔ آئی ءَ گشتگ کہ بدبھتی اِنت کہ آہاں پولیسءِ سرءَ اُرش کتگ۔ بنجاہی وزیر چوہدری فواد حسینءَ گشتگ کہ نیب ءَ پیشی ءِ وہدءَ یک مچی یےءَ پولیسءِ سرءَ اُرش کتگ بلے پولیسءَ سگءُ اوپار ءِ درشانی کتگ۔ایشی ءَ ابید 2کمیرہ مین آنی ٹپیگ بوہگءِ حال ہم اَست۔ آئی ءَ گشتگ کہ ہرچ مردمانی سرءَ کہ مقدمہ اَست آہاناں ایشانی دیمپانی کنگ لوٹ ایت۔ ریاست وتی زم واری ءَ پیلو کنت۔
