اسلام آباد۔20مارچ(اے پی پی ) ملک ءِ صدر عارف علوی ءَ گشتگ کہ نوکیں حکومت پاکستانءِ سماجی ءُ اقتصادی دیمروئی ءِ ھاترءَ وتی دری پالیسی ءَ دیما بارت۔ آئیءَ اے گپ چارشمبے ءِ روچءَ ہاورڈ یونیورسٹی امریکا ءِ ڈلءَ گوں گپءُ تران کنانءَ کتگ۔ صدرءَ گشتگ کہ سماجی ءُ اقتصادی کارانی مولءُ مراد ورناہ آں گیشاں چہ گیش روزگار ءِ موہ دیئگ اِنت۔ آئیءَ گشتگ کہ چین پاکستان اقتصادی راہداری ( سی پیک) منصوبہ ءَ چہ اے دمگ دمگی بیپاری ءِ ھاترءَ بے مٹیں موہ دیئگءَ اِنت ۔ آئیءَ گشتگ کہ حکومتءَ ملک ءُ معیشت ءَ ر ا پچ کنگءِ پالیسی ءِ جزم کتگ، زوتاں نوکیں ویزہ آسراتی ءِ دیئگءِ مول مراد ملک ءَ گیشاں چہ گیش سیل ءُ سواد ، بیپارءُ زرکاراں موہ دیئگءُ وش اَتک کنگ اِنت۔ صدرءَ گشتگ کہ حکومت دمگی امن ءُ ایمنی ءُ مھکمی ءِ ھاترءَ وتی کوشستاں برجاہ داریت۔
