اسلام آباد۔ 23جنوری (اے پی پی) بلوچستان نا 13ضلع و خیبر پختونخوا نا قطبی بشخ آتیٹی مسہ دے ئی انسداد پولیو مہم نا بناءکننگا۔ ریڈیو پاکستان نا رداٹ بلوچستان اٹی برف باری نا سوب پد بٹوک آ انسداد پولیو مہم نا دوشنبے آن دُوارہ بناءکننگانے ہراٹی بلوچستان نا علاقہ کوئٹہ، سبی ، بارکھان، بولان، جھل مگسی، قلعہ عبداللہ، خاران ، خضدار ، لورالائی، موسیٰ خیل ، شیرانی ، واشک نا ضلع ژوب انا یونین کونسل، خیبر ایجنسی ، وانا ، قطبی وزیرستان و خیبر ایجنسی ٹی پنچ سال آن کم وئی نا 3لکھ آن زیات چناتے پولیو نا پڑی کنفنگک وخت اس کہ پولیو نا پڑی کنفنگ کن 4ہزار 3سد 47ٹیم جوڑ کننگانے۔ کمامدارآتا کنڈآن پولیو مہم اٹی سیکورٹی نا سخت بست و بند کرسا پولیس و ایف سی نا کارندہ تعینات کننگانے۔
