اسلام آباد۔ 20 مارچ (اے پی پی) پاکستان ءَ استیں رومانیہ ءِ سفیر نیکولا گویا ءَ بنی آدمی ھک آنی دیمروئی ءُُ رکھینگ ءِ واستہ چست کتگیں گامگیج ھاسیں رنگ ءَ وزارت ءِ بنی آدمی ھک ءِ کوشست آناں ساڑات ءُُ گوشت کہ استیں حکومت ءَ اے پڑ ءَ توسیپی کار کتگ۔ آئی ءَ اے ھیالانی درشانی چار شمبے ءِ روچ ءَ بنجاھی وزیر برائے بنی آدمی ھک ڈاکٹر شرین مزاری ءَ اسلام آباد ءَ گند ءُُ نند ءِ ساھت ءَ کت۔ گند ءُُ نند ءَ بنی آدمی ھک آنی رکھینگ ھاسیں رنگ ءَ زالبول زھگ ءُُ لس مردم ءِ رکھینگ ءِ ھوالگ ءَ جتا جتائیں بن گپ آنی سر ءَ ھیال ریچی کت۔ اے موہ ءِ سر ءَ بنجاھی وزیر ءَ رومانیہ ءِ سفیر ءَ را ملک ءَ بنی آدمی ھک آنی بابت ءَ جتگیں گامگیج آنی بابت گوش مالومی کت ءُُ گوشت کیہ زھگ ، زالبول، لس مردم آنی رکھینبگ مئے حکومت ءِ اولی کار اِنت۔ اے رد ءَ بازیں نوکیں بل آنی سر ءَ کار بوھگ ءَ انت ایشانی تہ ءَ زینب الرٹ بل، بدنی لٹ ءُُ کٹ ءِ گر ءُُ دار ءِ بل ھوار اَنت ایش بنجاھی کابینہ ءَ چہ منظور کنائینگ بوتگ اَنت ءُُ گوشگ بوت کہ گور آناں آوانی وتی کانود پجارینگ ءَ آں۔ رومانیہ ءِ استیں سفیر نیکولاگویا ءَ بنی اادمی ھک آنی رکھینگ ءِ واستہ حکومت پاکستان ھاسیں رنگ ءَ وزارت ءِ بنی آدمی ھک ءِ کوشست آنی توسیپ کت ءُُ اے رد ءَ وتی ھمک رنگ ءَ کمک کنگ ءِ دل یکیمی دات۔
