اسلام آباد ۔ 20 مارچ (اے پی پی) صدرمملکت ڈاکٹرعارف علویءَ گوشت کہ نوکیں حکومت پاکستان ءِ چاگردی ءُُ اقتصادی دیمروئی ءِ ھاترا مہلوک ءِ سرا ایر ایجنڈہ ءِ ردا وتی دری پالیسی ءَ را دیما برایت۔آہاں اے گپ چار شمبے ءَ ادا ہاورڈ یونیورسٹی امریکا ءِ ڈلے گوما گپ ءُُ تران کنان ءَ کتگ ات۔صدرمملکت ءَ گوشت کہ وسیع البنیاد سماجی ءُُ اقتصادی اصلاحات ءِ مکسد سوگو ءِ بنیاتءَ شرح نمو ءِ تہ ودکی ءَ را سدکی جوڈ کنگی انت۔ایشی ءِ آسرءَ ورناہانی ھاترا روزگار ءِ گیش موہ رس انت۔صدرمملکت ءَ خطہ ءِ ارزشت ءِ سرا روژنی مان کنان ءَ گوشت کہ راجدپتری وڈ ءَ اے منڈیاں را ھوار کنوکیں خطہ انت۔ چین پاکستان اقتصادی راہداری (سی پیک )منصوبگ چہ اے دمگ دمگی بیئپارءِ ھاترا بے مثلءِ موہ ءَ پھجارگ انت ہمہ کہ اقتصادی دیمروئی ءِ ھاترا ھاسیں چیز انت۔آہاں گوشت کہ حکومت ملک ءُُ معیشت ءَ را پچ کنگ ءِ پالیسی ءِ سرا پرجزم انت۔انوں نوکین ویزہ ءِ جاڑی کنگ ءِ مکسد ملک ءِ تہ جہاں گول ،بیئپاری ءُُ زرکاران وش اتک کنگی انت۔صدرءَ گوشت کہ پاکستان ءَ را بیئپار ءُُ سیاحت ءِ ھاترا شریں ملک جوڈ کنگ ءِ درگت ءَ حکومت گہترکاری ءَ را برجاہ دارایت۔صدرمملکت ءَ گوشت کہ پاکستان خطہ ءِ تہ امن ءُُ ایمنی ءِ واھگدار انت، خطہ ءِ تہ چاگردی ءُُ اقتصادی دیمروئی ءِ ھاترا امن الم انت۔ صدر ءَ سدکی دات کہ حکومت دمگی امن ءُُ گہبودی ءِ ھاترا وتی کوشستاں را برجاہ دارایت
