اسلام آباد ۔ 20 مارچ (اے پی پی) بنجاہی وزیر ھالرسانی ءُُ شنگکاری چوہدری فواد حسین ءَ گوشت کہ بلاول بھٹو ءُُ آصف علی زرداری ءِ نیب ءِ تہ انویسٹی گیشن ءِ ھاترا پیشی ءِ تہ لہتیں مردماں پولیس ءِ سرا اُرش کتگ،چے شما پدر کنگ لوٹ ایت کہ شمارا انویسٹی گیشن ءِ ھاترا چے ھاترا لوٹ ات۔اے تب کانود ءِ رھبندانی ھلاپ انت۔امیت انت کہ پی پی پی ءُُ آئی ءِ راھشون وتی تب ءِ سرا پہلی لوٹ انت۔بلاول ہنچو تران کنگ ات کہ دیما لکھانی کساس ءَ مردم بنت،اُرشے تہ پولیس ءَ صبر ءِ درشانی کتگ۔چار شمبے ءَ بنجاہی وزیر ھالرسانی ءُُ شنگکاری چوہدری فواد حسین ءَ بلاول بھٹو ءُُ آصف علی زرداری ءِ نیب پیشی ءِ ھوالہ چہ وتی ویڈیو کلوھ ءِ تہ گوشت کہ مروچی بلاول بھٹو ءُُ آصف علی زرداری ءَ را نیب ءَ انویسٹی گیشن پہ لوٹارینتگ ات۔اے پیشی ءِ موہ ءَ پی پی پیءِ کم ءُُ گیش 500 ءِ نزیک ءَ جہد کار جم ات۔آہاں گوشت کہ بدبہتی انت کہ لہتیں مردماں پولیس ءِ سرا اُرش کتگ۔اے وڈیں تب کانود ءِ راھبندانی ھلاپ انت،اے اُرش ءِ تہ چار پولیس کارندھءُُ دو کیمرہ مین ٹپی بوتگ ات۔بنجاہی وزیر ءَ گوشت کہ نیب ءِ انویسٹی گیشن ءِ ھاترا پیشی ءِ تہ لہتیں مردماں پولیس ءِ سرا اُرش کتگ بلے پولیس ءَ صبر ءِ درشان کتگ۔ پولیس ءَ معاملہا شریں وڈ ءَ ہینڈل کتگ۔ آہاں گوشت کہ مہ پولیس ءِ اے تب ءَ گوں دیما برگ ءِ واھگداراوں بلے وھدیکہ کسے حد ءَ را پار کن ایت تو ریاست وتی زمہ واری ءَ سرجم کن ایت۔آہاں گوشت کہ ہمہ مردمانی سرا کیس انت آہاں را دیم دیگءِ انت،اے رنگءَ ممکن نیست انت کہ شمہ پٹ ءُُ پول ءِ کارءَ را ھراب کن ایت
