اسلام آباد ۔ 20 مارچ (اے پی پی)بنجاہی اسمبلی ءِ قائمہ کمیٹی برائے فیڈرل ایجوکیشن اینڈ پروفیشنل ٹریننگ ءِ دیوان کمیٹی ءِ چیئرمین نجیب الدین اویسی ءِ سروکی ءَ برجم بوتگ۔دیوان ءِ تہ بنجاہی وزیر برائے فیڈرل ایجوکیشن اینڈ پروفیشنل ٹریننگ شفقت محمود ءَ بریفنگ دیان ءَ گوشت کہ لہتیں ادارگ اے رنگیں انت کہ آہان نام مزن انت بلے کار ہمکتر نیست انت۔آہاں گوشت کہ 18می ترمیم ءِ پدا اے ادارگہانی کار ایوکا اسلام آباد ءِ تاں محدود بوتگ۔ وزارت سنبھالگ ءِ پدا پنچ دلگوشی نشان کتگ انت نوں آہانی سرا کار برجاہ انت۔آہاں گوشت کہ ادارہ شماریات ءِ گوشگ ءِ ردا اے وھد ءَ لٹریسی ریٹ 58درسد انت ایشی ءِ سرا من ءَ یقین نیست ات۔لٹریسی ریٹ ءَ را 70درسد ءَ تاں برگ ءِ ھاترا آوکیں چار سالءِ تہ یک کروڑ 44لکھ مردماں را بنیاتی تعلیم دیگ بیت۔ شفقت محمود ءَ گوشت کہ لٹریسی ریٹ ءَ را گیش کنگ ءِ ھاترا یک مچ ءِ پالیسی ءِ سرا کار برجاہ انت ایشی ءِ جار لہتیں ماہ ءِ تہ کنگ بیت۔اسلام آباد ءِ تہ چلڈرن آوٹ اسکولز منصوبگ بندات کتگ۔اے منصوبگ ءِ ردا11 ہزار اے رنگیں چکانی ھبر بوت کہ آں سکولاں چہ ڈن انت۔ملک ءِ تہ لہتیں نظام تعلیم ءِ سبب ءَ راج ءِ ذہن بھر بوتگ ات۔ 18می ترمیم ءِ آسرءَ وزارت صوبگانی تہ آزاتیں وڈ ءَ کار ءَ نہ کت کنگ انت۔تنیگہ سئے بار بین الصوبائی ایجوکیشن کانفرنس برجم بوتگ ات ایشانی تہ سندھ ءِ شریداری کم ات۔آہاں گوشت کہ سندھ وتی سیاسی جیڈھانی سبب ءَ اے کانفرنس ءِ تہ ساڑی مہ بوتگ۔
