بیلا روسیئن ٹیلی گراف ایجنسی ءِ ڈائریکٹر جنرل ایرینا اکلو وچ ءَ بیلا روس ءِ سفیر ءِ ھمبراھی ءَ اے پی پی ہیڈ کوارٹرز ءِ تر ءُُ تاب، منیجنگ ڈائریکٹر قمراللہ چوہدری ءَ گوں گند ءُُ نند

اسلام آباد۔ 19 مارچ (اے پی پی) بیلا روسیئن ٹیلی گراف ایجنسی (بیلٹا) ءِ ڈائریکٹر جنرل ایرینا اکلو وچ ءَ گوشت کہ پاکستان ءُُ بیلا روس ءِ نیام ءَ نزیکیں میڈیا رابطہ دوئیں ملک آنی دود ءُُ ربیدگ ءُُ معیشت ءِ واستہ گیٹ وے ءِ کرد ءَ پیلو کت کن اَنت۔ اے ھیالانی درشانی آئی ءَ پاکستان ءَ بیلاروس ءِ سفیر اینڈ ری ارمولووچ ءِ ھمبراھی ءَ ایسوسی ایٹڈ پریس آف پاکستان (اے پی پی) ہیڈ کوارٹرز ءِ تر ءُُ تاب ءِ موہ ءَ ادارگ ءِ منیجنگ ڈائریکٹر قمر اللہ چوہدری ءَ گوں گند ءُُ نند ءِ ساھت ءَ کت۔ گند ءُُ نند ءِ ساھت ءَ آئی ءَ ایسوسی ایٹڈ پریس آف پاکستان ءُُ بیلٹا ءِ نیام ءَ میاں اوستمانی تک ءَ ھال آنی سر ءَ ھاسیں رنگ ءَ جاھ گران ءَ سوشل میڈیا ءِ مٹ بوھوکیں بن گپ آنی تہ ءَ تکنیکی کمک ءَ را ودینگ ءِ ضلورت ءِ سر ءَ زور پر دات۔ ڈی جی بیلٹا ءَ گوشت کہ ھال آنی یک ءُُ دگر ءَ دیگ ءَ چہ دوئیں جوانیں چاگرد یک ءِ دومیگ ءَ گوں دلگوش ءُُ پجاری کنان ءَ وت مہ وتی گیش ود انت۔ آئی ءَ گوشت کہ آئی ءِ پاکستان ءِ تر ءُُ تاب 25سالی سفارتی یکوئی ءِ رد ءَ انت۔ اے ساھت ءَ آئی ءَ وزیر ءِ اھوالکاری ءُُ شنگ کاری، سپیکر راجی اسمبلی ءِ گوما گند ءُُ نند ءَ ابید اکسی نماش ءِ بنگیجی مراگش ءَ ھم بھر زوری کت ایش بیلاروس ءِ دود ءُُ ربیدگ ءَ را سہرا کنگ ءِ واستہ برجم دارگ بوتگ اَت۔ آئی ءَ گوشت کہ بیلٹا ءَ وتی آجوئی ءَ 100سال گوستگیں دسمبر ءَ سرجم کتگ اَنت ایش 6زبان سپینش، انگلش، رشیئن، فرنچ، چائنیز ءُُ جرمن زبان ءِ تہ ءَ نکان جاڑی کنت۔ آئی ءَ گوشت کہ بیلٹا انفارمیشن سکیورٹی ءِ رد ءَ رئیں ھال آناں گر ءُُ دار کنت۔ آئی ءَ گوشت کہ بیلٹا ھمک روچ 200 نیوز آئٹم جاڑی کنت وھدیکہ آئی ءِ کراّ 4 لکھ ءَ چہ گیش اکسانی کساس جم انت۔ اے موہ ءِ سر ءَ ایم ڈی اے پی پی ءَ ایسوسی ایٹڈ پریس آف پاکستان ءِ ھیڈ کوارٹر، 9بیوروز ءُُ 7سٹیشنز آنی گوما ارزشتی ایں ڈن ملک آنی تہ ءَ وتی نماھندگ آنی وسیلگ ءَ ادارگ ءِ کار آنی بابت ءَ ڈی جی بیلٹا ءَ را سرپد کت۔ آئی ءَ گوشت کہ اے پی پی گلوبل ءِ بنگیج ءِ مول ءُُ مراد میاں اوستمانی تک ءَ تاں وانوک آں تاں سر کنگ انت۔ اے موہ ءِ سر ءَ دوئیں نمگ ءَ جوانیں ھال آنی واستہ یک ءِ دومی ءِ ملک آنی تہ ءَ نماھندگ آنی دارگ ءِ ضلورت ءِ سر ءَ زور پر دات۔ ایشی ءَ پد ڈی جی بیلٹا ءُُ ایم ڈی اے پی پی ءَ اے پی پی ءُ بیلٹا ءِ نیما ءَ استیں تپاکی منگ نامہ ءِ واوستہ کار رپک ءِ گیش ءُُ گیوار ءِ واستہ کمکی مسل آنی سر ءَ دست چنگل جت۔ ایم ڈی اے پی پی ءَ ایم ڈی بیلٹا ءُُ بیلاروس ءِ سفیر ءَ رال سووینیئر پیش کت وھدیکہ آئی ءَ مہمان آنی کتاب ءِ تہ ءَ وتی لیکہ نویس اتنت۔ ڈائریکٹر نیوز شفیق قریشی، ڈائریکٹر انفارمیشن ٹیکنالوجی غواث خان، ڈائریکٹر اکنامک نیوز بلال تھہیم ءُُ انچارج اردو سروس حنیف صابر ھم ساڑی اتنت۔