بیجنگ ۔ 19 مارچ (اے پی پی) دری کارانی بنجاہی وزیر شاہ محمود قریشی ءُُ آئی ءِ چینی ہمکار وانگ ژیءِ میان ءَ سئے شمبے ءَ بیجنگ ءِ تہ اولی پاک چین وزرائے خارجہ اسٹرٹیجک سطح ءِ گپ ءُُ تران بوتگ ات۔دوئیں ملکانی دری کارانی وزیراں اوگان ایمنی عمل ءِ ھوالہ چہ ھم ھیال ریچی کتگ ءُُ اوگانستان ءِ تہ ایمنی ءِ برجاہی ءِ ھاترا یکجاھیں کوشست برجاہ دارگ ءِ سرا تپاکی کتگ۔اے گپ ءُُ تران ءِ تہ دمگ ءِ تہ امن ءُُ ایمنی ءِ جاورھال ءِ ھوار وت مہ وتی دلچسپی ءِ کارانی سرا باست ءُُ واست کتگ۔دری کارانی بنجاہی وزیر شاہ محمود قریشی ءَ گوشت کہ پاکستان دمگ ءِ تہ امن ءُُ ایمنی واھگدار انت،مہ گرانیں وھد ءَ پاکستان ءَ گوں ھوار بوھگ ءِ سرا چین ءِ مہلوک ءُُ حکومت ءِ منت وار انت۔دری کارانی وزیر ءَ گوشت کہ خطہ ءِ تہ جنگ ءُُ پسات ءِ ھلاسی ءُُ امن ءُُ ایمنی ءِ ھاترا چین ءِ کرد ستاءِ لائق انت۔دوئیں دری کارانی وزیر ءَ اوگان امن ءِ کارءِ ھوالہ ءَ ھیال ریچی کتگءُُ اوگانستان ءِ تہ امن ءِ برجاہی ءِ ھاترا یکجاھیں کوشستاں را برجاہ دارگ ءِ سرا تپاک کتگ۔چینی دری کارانی وزیر ءَ اے موہ ءِ سرا گوشت کہ خطہ ءِ تہ امن ءِ برجاہی ءُُ جنگ ءُُ جدل ءِ ھلاسی ءِ ھاترا پاکستان ءِ کوشستانی ءُُ گپءَ را ساڑاتگ۔
