بیجنگ ۔ 19 مارچ (اے پی پی) کیمونسٹ پارٹی آف چائنا ءُُ پاکستان تحریک انصاف ءِ میان ءَ گلانی تبک ءِ سرا دونیمگی ڈل آنی مٹ ءُُ سٹ ءِ سرا تپاک کتگ۔اے تپاکی سئے شمبے ءَ دری کارانی وزیر شاہ محمود قریشی ءِ بیجنگ ءِ تہ کمیونسٹ پارٹی آف چائنہ ءِ میاں اوستمانی ڈپارٹمنٹ ءِ وزیر سونگ تاو ءِ گوما گند ءُُ نند کتگ۔ سونگ تاؤ ءَ دری کارانی وزیر شاہ محمود قریشی ءِ بیجنگ آھگ ءَ وش اتک کتگ۔گند ءُُ نند ءِ ساعت ءَ فریقاں گلانی تبک ءَ دودیمی مٹ ءُُ سٹ ءِ سرا تپاکی کتگ۔پاکستان تحریک انصاف ءُُ کمیونسٹ پارٹی چائناءِ میان ءَ مفاہمتی یاتگیری ءِ سرا دستخط ھم کتگ۔دری کارانی وزیر ءَ اے موہ ءَ گوشت کہ گلانی تبک ءِ سرا مٹ ءُُ سٹ دو دیمی سیادی ءَ را گیش مھکم جوڈ کنگ ءِ تہ کمکار پدر بیت۔آہاں گوشت کہ پاکستان تحریک انصاف ءُُ کمیونسٹ پارٹی آف چائنہ ءِ میان ءَ گلے تبک ءِ سرا گیش مھکم ءِ سیادی ءِ واھگدار انت۔
