اسلام آباد ۔ 19 مارچ (اے پی پی) چیئرمین سینیٹ صادق سنجرانی ءَ ملک ءِ تہ فٹ بالءِ لیئب ءِ پراھی ءِ ھاترا ھشت باسکی کمیٹی ہڈ داتگ۔ کمیٹی ءِ اولی دیوان (مروچی) چار شمبے ءَ بیگاھ ءِ ساعت ءَ پارلیمنٹ ہاوس ءِ تہ برجم بیت۔ھشت باسکی کمیٹی ءِ کنونیر چیئرمین سینیٹ صادق سنجرانی بنت۔ کمیٹی ءِ تہ قائد ایوان شبلی فراز، سینیٹر محمد علی سیف، سینیٹر دلاور خان، سینیٹر احمد خان، اسد اشرف، مرزا آفریدی ءُُ پاکستان فٹ بال فیڈریشن ءِ صدر انجنیئر سید اشفاق حسین شاہ ھوار انت۔ چیئرمین سینیٹ صادق سنجرانیءَ گوشت کہ کمیٹی جوڈ کنگ ءِ مکسد ملک ءِ تہ فٹ بال ءِ لییب ءَ را ودکی دیگ انت۔اے درگت ءَ کمیٹی ءِ ہڈ دیگ ءِ سینیٹ سیکرٹریٹ ءَ تچکی ءَ نوٹیفکیشن جاڑی کتگ۔ پاکستان فٹ بال فیڈریشن ءِ صدر پاکستان فٹ بال فیڈریشن ءِ صدر انجنیئر سید اشفاق حسین شاہ، نائب صدور ءُُ راجی اسمبلی ملک محمد عامر ڈوگر، ظاہر علی شاہ ءُُ سردار نوید حیدر ءَ چیئرمین سینیٹ صادق سنجرانی ءِ کمیٹی جوڈ کنگ ءِ پیسلہ ءِ ھیرمقدم کتگ۔
