راولپنڈی ۔ 19 مارچ (اے پی پی) پاک فوج ءَ 23 مارچ یوم پاکستانءِ درگت ءَ گوں ’’استارانی توار، پاکستان زندگ بات‘‘ ءِ عنوان ءَ گوں نوکیں پرومو جاڑی کتگ۔ پاک فوج ءِ لس سیادیانی تک (آئی ایس پی آر) ءِ ڈائریکٹر جنرل میجر جنرل آصف غفور ءَ وتی ٹویٹ ءِ وسیلگ ءَ استارانی توار،پاکستان زندگ بات ءِ عنوان ءَ گوں نوکین پرومو شنگ کتگ۔اے پرومو ءِ تہ راحت فتح علی خان، فلم سٹار شان، فہد مصطفیٰ، علی ظفر ءِ ھوار ملک ءِ نامداریں ازمکارانی نیمگا چہ یوم پاکستان ءِ درگت ءَ نیکیں واھشتانی درشان ءُُ کلوھ ءُُ پاکستانی راج ءَ را یوم پاکستان ءِ سرا مرادبات ءُُ پاکستان زندگ بات ءِ اوگام ھوار انت۔
