اسلام آباد۔ 19 مارچ (اے پی پی) صدر مملکت ڈاکٹر عارف علوی ءَ گوشت کہ سینٹ کانود ءِ گواچنی اکس انت آھودا ایوان ءِ بالا ءِ باسک پارٹی ءَ گوں بندوک بوھگ ءَ چہ برزتر بوھان ءَ وتی ڈیوٹی ءِ پیلو کنگ ءُُ راجی ءُُ السی واھگی کار آنی بابت ءَ کانود جوڑ کن اَنت۔ آئی ءَ اے گپ چیئرمین سینٹ محمد صادق سنجرانی ءَ گوں تران کنان ءَ کت آ سئے شمبے ءِ روچ ءَ ایوان ءِ صدر ءَ گوں صدر ءَ گند ءُُ نند کنگ ءَ ات۔ چیئرمین سینٹ ءَ صدر ءِ مملکت ءَ را ھمک سالی رپورٹ ھم پیش کت۔ صدر ءَ کانود ءِ جوڑ کنگ ءِ کار ءُُ پارلیمانی سفارتکاری ءَ ایوان ءِ بالا ءِ کوشست آناں ساڑات۔ آئی ءَ اے گپ ءَ راسہرا کت کہ سینٹ آف پاکستان ءَ ایشیائی پارلیمانی اسمبلی ءِ فورم ءَ ایمنی ءُُ دیمروئی ءِ واستہ پارلیمانی سروکی ءَ یکجا کت۔ آئی ءَ گوشت کہ ایشیائی پارلیمانی اسمبلی ءِ دیوان کزدن گوادر ءَ برجم داشتگ تانکہ اے گپ ءَ را شھم بہ رس ایت کہ زوت دمگ اقتصادی ءُُ تجارتی بنزیاھ جوڑ بوھگ انت۔ ایشی ءَ پد چیئرمین سینٹ محمد صادق سنجرانی ءَ صدر ءَ را گوشت کہ سینٹ ءَ بنیاتی بنی آدمی ھک آنی رکھینگ ءِ واستہ کانود جوڑ کنگ بوھگ ءَ انت۔ آئی ءَ سینٹ ءِ کانود جوڑ کنگ ءِ بابت ءَ کامیاتی آناں ھم سہرا کت ایشانی تہ ءَ فاٹا ءُُ پاٹا ءَ را گوں وت ھمگام کنگ، زالبول آناں ، زھگ آناں ءُُ دُلمب آنی رکھینگ ءِ واستہ کانود ءِ جوڑ کنگ ءُُ بے سودیں وام ءِ پجاری ءِ بابت ءَ کانود ءِ جوڑ ھوار انت۔ آئی ءَ گوشت کہ سینٹ ءِ دیوان 13رند ءَ بوتگ ایشی ءِ تہ ءَ 111روچ ءُُ 78باریگ بوتگ اَنت۔
