اسلام آباد۔ 19 مارچ (اے پی پی) صدر مملکت ڈاکٹر عارف علوی ءَ گوشت کہ پاکستان مزنیں زمینی ءُُ زمین ءِ چیریں آپی بنزیاہ آں چہ مالال مال اِنت ءُُ اے دگنیا ءِ ٹوھیں آپی نظام ءِ کشت ءُُ کشاری ملک اِنت پدا ھم ھرابیں پالیشی ءُُ مینجمنٹ ءِ سبب ءَ آپ ءِ کمیگ ءَ گوں دیم پہ دیمی کنگ ءَ انت۔ آئی ءَ اے گپ سیکرٹری آپی آسراتی عرفان علی ءُُ چیئرمین واپڈا لیفٹیننٹ جنرل (ر) مزمل حسین ءِ نیمگ ءَ سئے شمبے ءَ ایوان ءِ صدر ءَ داتگیں بریفنگ ءِ ساھت ءَ کت۔ صدر ءَ گوشت کہ ٹوھیں سندھ کور ءِ نظام راجدپتری رنگ ءَ سندھ ءِ کوھ آنی سرین ءِ ھڈ ءِ بستار ءَ دار ایت پدا ھم مرچی پاکستان ءِ آپی معیشت ءَ ھشک بوھگ ءِ ترس است اِنت چیا کہ یک مردم آپی دستیابی 1951ءَ 5260مکعب میٹر ءَ چہ کم بوھان ءَ 2016ءَ کساس یک ہزار مکعب میٹر ءَ تاں اتکگ۔ آئی ءَ گوشت کہ اے 2025ءَ تاں کساس 860مکعب میٹر ءَ تاں کم بوھگ ءِ امیت انت ایشی ءَ چہ آپی آسراتی ءَ چہ مالا مالیں ملک، آپ نہ بوھگ ءُُ ڈکال کپگ ءِ بیم است انت۔ صدر ءَ گوشت کہ پاکستان نمب ءُُ ناس ءِ مٹ بوھگ ءِ سبب ءَ 10اولی لڑے ملک آنی تہ ءَ ھوار انت۔ آئی ءَ گوشت کہ آپی آسراتی ءِ شوبگ ءِ منصوبگ آناں سیاسی پڑ ءَ ڈلگچار کنگ بوتگ ایشی ءِ سبب ءَ جھل کپان ءَ پی ایس ڈی پی ءِ 13 درسد مالی سال 2017-18ءَ 3.7درسد بچ اتگ۔ صدر ءَ اے گپ ءِ سر ءَ زور پر دات کہ راجی آپی پالیشی ءَ آپ ءِ کارمردی ءُُ لوٹ، آپی آسراتی ءِ دیمروئی ، موسمی مٹ ءُُ بدلی ءِ رند پد ، سیم سر ءَ آ کش اے کش شیئرنگ ءِ وڑیں کار آنی سر ءَ ھاسیں دلگوشی ءُُ وھد ءُُ موہ ءِ کار المی انت تانکہ چاگرد جوان بہ بیت۔ آئی ءَ اے گپ ءِ سر ءَ زور پر دات کہ راجی آپی پالیشی ءَ منوگر کتگیں سٹریٹجک ءِ سر ءَ جوانیں رنگ ءَ کار بہ بیت تانکہ سرجمیں ملک ءَ آپی آسراتی انتظامی ءَ را دل یکیمی جوڑ کنگ بہ بیت۔ آئی ءَ گوشت کہ آیوکیں 12سال آنی گیش اینتگیں آپی سیم سر در جنگ ءِ رنگ ءَ گہتر یں آپی نظام الکاپیں رنگ ءَ بوت کن اَنت۔
