اسہ قوم اس ہم زالبول آتے تعلیم تننگ آن بیدس مون آ ہِننگ کپک، بنجائی وزیر تعلیم و کسبی تربیت

اسلام آباد۔ 19مارچ(اے پی پی) بنجائی وزیر تعلیم و کسبی تربیت شفقت محمود پارینے کہ اسہ قوم اس ہم زالبول آتے تعلیم تننگ آن بیدس مون آ ہِننگ کپک ، ننا حکومت مسن تا تعلیم ءِ ہنداخہ اہمیت تننگ ءِ اخس کہ مارتا تعلیم ءِ تننگک، ملک انا 32درسد بندغ خواننگ و نوشتہ کننگ تپسہ، اوفتے خوانندہ کننگ کن غٹ اواری اٹ تینا کڑد ءِ ادا کیر۔ سے شنبے نادے آ او فیڈرل گورنمنٹ کالج ہوم اکنامکس و مینجمنٹ سائنسز نا ارٹ میکو کانووکیشن 2016-17ء آن تران کریکہ۔ اوڈگری ہلوک آ مسن تے مبارکبادی ترسا اومیت ظاہر کرے کہ او ملک انا جوڑ جاڑ و شونداری ٹی تینا کڑد ءِ ادا کیرہ۔ اوپارے کہ خوشی ءِ کہ ہوم اکنامکس کون آ اہم انگا سرحال آتے ٹی ہم مسنک است خواہی ہلنگ ءُ۔ بنجائی وزیر پارے کہ استادآک چناتا کڑد سازی ٹی اہم ءُ کڑد اس ادا کیرہ۔ زالبول ءِ تعلیم تننگ آن بیدس قومک مون آ ہِننگ کپسہ، ننا کوشست ءِ کہ مسن تا تعلیم ءِ ہم ہموخس اہمیت تننگے اخس کہ مارتا تعلیم ءِ تننگک۔