کرائسٹ چرچ۔ 19 مارچ(اے پی پی) نیوزی لینڈ انا وزیراعظم جیسنڈراآرڈرن پاکستانی ورنا نعیم رشید ءِ خراج عقیدت پیش کرینے ہرا تدوک آ جمعہ آ کرائسٹ چرچ انا مسیت النور اٹی پترینگوک آ آسٹریلوی دہشت گرد ءِ توننگ نا کوشست اٹی شہید مس۔ سے شنبے نادے آ پارلیمنٹ اٹی اسلام علیکم نا لوز اتون تینا تران اٹی نیوزی لینڈ انا وزیراعظم پارے کہ نعیم رشید مسیت اٹی ساڑی ایلو خلقت نا زند ءِ بچفنگ کن تینا جان ءِ ندر کرے ہرانا دلیری و جیرت ءِ نیوزی لینڈ نا قوم مدام یات تخک۔ اوپارے کہ آسٹریلوی دہشت گرد انا برخلاف کانود نا رداٹ سخت کارروائی کننگک۔ اوپارے کہ ای تینا جوڑ تیا اونا پن ءِ ہلنگ ہم جوان سمجھپرہ او اسہ ڈوہدار، دہشت گرد و انتہاپسند اسے۔
