اسلام آباد ۔ 18 مارچ (اے پی پی)مزن وزیر ءِ ھاسیں کمار برائے میڈیا افیئرز افتخار درانی ءَ گوشت کہ مزن وزیر عمران خان ءِ وژن ءِ ردا پاکستان تحریک انصاف ءِ حکومت ریاست ءُُ شہریانی میان ءَ رشتہ ءَ را مھکم کنگ ءِ ھاترا گامگیج ءَ زورگ انت۔مزن وزیر پرفارمنس ڈلیوری یونٹ (پی ایم ڈی یو) ءِ وسیلگ ءَ ٹیکنالوجی ءِ کارمرزی کنان ءَ گیشترءِ اُلسی شکاستانی زوت حل کنگ بنت۔آہاں اے گپ دوشمبے ءَ ادا مزن وزیر کارگس ءِ تہ مزن وزیر پرفارمنس یونٹ ءِ ڈپٹی سیکرٹری عادل سلیم صافی ءِ ہمبراہ میڈیا ءَ را بریفنگ دیان ءَ گوشت انت۔آہاں گوشت کہ درستاں چہ گیش شکاست میونسپل ہزمت،گیس ءُُ توان،تعلیم ،جان سلامتی ،شہریانی حق ،امن ءُُ ایمنی ،لینڈ ریوینیو ،دیمروئی منصوبگ ،ٹرانسپورٹ ،اوورسیز پاکستانیز ،میڈیا ءُُ سائبرکرائم،ماحولیات ءُُ جنگلات ،سرمایہ کاری ،لائسنس ءُُ سرٹیفکیٹ ،نادرا ءُُ پاسپورٹ ،ورناہانی معاملہ ءُُ کشت ءُُ کشاری ءِ باروا اتکگ انت۔
