بیجنگ۔ 18 مارچ(اے پی پی) وزیر خارجہ شاہ محمود قریشی مسہ دے ئی دورہ غا دوشنبے ناسہب اتون چین نا دارالحکومت بیجنگ آ سرمس۔ او دا دورہ ٹی چینی سرکڑدہ غاتون اوڑدہی، تین پہ تینی و علاقائی حالیت آتیا گپ و تران و اولیکو پاک چین وزرائے خارجہ اسٹریٹجک ڈائیلاگ اٹی بشخ ہلیک۔ ایئر پورٹ آ پاکستان اٹی چین نا سفیر یاؤ جن، چین اٹی پاکستان نا سفیر مسعود خالد و ایلو چینی و پاکستانی کمامدارآک وزیر خارجہ ءِ بخیر کریر۔ وزیر خارجہ نا دادورہ ٹی ہڑتوم آکنڈآتا تین پہ تینی تعلقداری بشمول چین پاکستان اقتصادی راہداری(سی پیک) آ گپ و تران کیک۔ وزیر خارجہ شاہ محمود قریشی دا دورہ ٹی سی پیک آ پولیٹیکل پارٹیز فورم آن تران کیک۔ او پاکستان تحریک انصاف و کمیونسٹ پارٹی آف چائنا نا نیام اٹ رولنگ پارٹیز ڈائیلاگ اٹی ہم بشخ ہلیک۔

متعلقہ مضامینمصنف کی طرف سے مزید